海港酒家

营业中

休息中

今日下午我們喺西環做完嘢之後去咗附近西寶城商場嘅「海港酒家」飲下午茶！我們叫咗韭黃鮮蝦腸嘅腸粉好煙韌軟滑，蝦肉都幾大隻，而且好爽甜彈牙！沙薑豬蹄粒肉嘅質感好鬆軟，而豬皮嘅質感就超爽滑彈牙，再配埋啲沙薑汁，令到味道更加惹味！核桃馬拉糕相當香甜鬆軟，再加埋粒粒嘅核桃碎一齊食，令到口感更加豐富！玫瑰豆沙包嘅包質相當軟熟，入面嘅豆沙餡料味道好芳香，但唔會過甜！剁椒蒸魚雲嘅肉質非常鮮甜嫩滑，香辣嘅剁椒令到鮮味更加提升，而且仲有啲粉絲舖底，吸收晒醬汁嘅精華，真係好正呀！