影片
更多
2007-12-23
13 浏览
咁啱但咁橋，食完呢餐病咗成個禮拜，所以a week after 先至寫呢次review。雖然今次彈佢，不過自己感冒唔關呢餐事，唔入佢數。我唔明點解有其他reviewers 讚呢到，總之食物quality唔掂，前菜、燒物、揚物、創作壽司……通通都無，只有3張點菜紙: 刺身、壽司、手卷、烏冬及拉面、和牛、豚肉、甜品，種類及款式極少。是次主題shabu-shabu，以下為我和友人試過的食物:1.shabu-shabu: 和牛和豚肉共3款，唔記得名堂，都OK好食，但絕不能憑肉味分辨各種肉嘅分別……豚肉跟和牛竟不只外型相似??? 菜任叫，不用寫紙，都算補充得快，但竟然將豆腐同菠菜一齊上，喺人都知呢兩樣食物唔可以一齊食，有草酸鈣，對人體有害!!!!2.手卷: 蔥粒吞拿魚腩，普通，不過响呢餐算好好食。3.刺身: 成張紙得8款，咪就喺大家數到嘅大路款，好似三文魚、吞拿魚、蝦、八爪魚等，我地都試哂，麻麻地，切得好細塊，部分有雪味。(壽司exactly就喺刺身個8款，廢事哂肚皮quata，罷食)4.冷烏冬及叉燒拉面: 出奇咁大碗，可能想食飽你唔叫其他嘢，我食烏冬，面質講得好聽有趙頭，講得難聽，老實講，好實
雖然今次彈佢，不過自己感冒唔關呢餐事，唔入佢數。
我唔明點解有其他reviewers 讚呢到，總之食物quality唔掂，前菜、燒物、揚物、創作壽司……通通都無，只有3張點菜紙: 刺身、壽司、手卷、烏冬及拉面、和牛、豚肉、甜品，種類及款式極少。
是次主題shabu-shabu，以下為我和友人試過的食物:
1.shabu-shabu: 和牛和豚肉共3款，唔記得名堂，都OK好食，但絕不能憑肉味分辨各種肉嘅分別……豚肉跟和牛竟不只外型相似??? 菜任叫，不用寫紙，都算補充得快，但竟然將豆腐同菠菜一齊上，喺人都知呢兩樣食物唔可以一齊食，有草酸鈣，對人體有害!!!!
2.手卷: 蔥粒吞拿魚腩，普通，不過响呢餐算好好食。
3.刺身: 成張紙得8款，咪就喺大家數到嘅大路款，好似三文魚、吞拿魚、蝦、八爪魚等，我地都試哂，麻麻地，切得好細塊，部分有雪味。(壽司exactly就喺刺身個8款，廢事哂肚皮quata，罷食)
4.冷烏冬及叉燒拉面: 出奇咁大碗，可能想食飽你唔叫其他嘢，我食烏冬，面質講得好聽有趙頭，講得難聽，老實講，好實呀，好似唔熟咁……叉燒拉面喺友人食，味道唔知，不過presentation似MK個D cheap cheap 日本料理質素……
5.甜品: 最騎呢!!! 款式得6款，是日日式水晶餅暫停……
a.草莓果凍: 根本唔喺果凍，你會唔會試過，將粒新鮮strawberry沾上白朱古力，放入冰格橄粗雪爛佢，然後叫果凍???? 呢款勁難食。
b.梅酒果凍: 叫jelly咪算囉，無梅酒味，連甜味都無，奇怪。
c.大福餅: 有包裝袋响supermarket買到嘅來貨，有無搞錯，你喺酒店嘅日本餐廳，竟然唔喺師傅手造?? 要呃我都唔該有誠意D，先除包裝紙再放碟，唔該。
d.青檸sorbet及綠茶、芝麻、石板街雪糕: 算喺全晚最好味，texture好滑，唯綠茶雪糕唔夠綠茶味，但上枱亦是全晚最最最最騎呢嘅地方，唔知廚房喺咪想慳碗，竟然將成張單嘅order放落同一個碗，結果半溶嘅雪糕球就喺咁「結合」了，presentation是多麼恐怖，而且我跟友人要從blend埋咗嘅雪糕「了」番自己隻味，唔掂，眼見隔離枱仲慘，七八個friends對住個一大碗堆到成座山咁嘅嘢無從入手，最後我跟友人不能忍受，重新落order，但註明分開上，咁就好D。
Service: 待應們都好friendly，不過上菜慢，埋單更慢，等咗成三四個字，唔知攞我張credit搞咩……
總之，以呢到嘅food quality及service，你完全feel唔到呢到喺hotel……有coupon更唔抵，無coupon更千祈唔好黎。
P.S. 基本上味道一項可以比零點幾分。
张贴