影片
更多
2021-10-22
42 浏览
天氣開始轉涼，即刻想食翻個任食火鍋！🤣見到附近開咗間新嘅火鍋店，所以就去試吓！我同朋友一人嗌咗一個火鍋任食，亦都嗌咗個任食刺身。一入到餐廳就覺得成個設計都好華麗，好有中國風！首先一嚟到會上一個雞煲，本人超級唔食得辣，但都覺得唔係太辣，啱晒一啲鍾意食雞煲而又唔食得辣嘅朋友。最特別嘅係，平時食嘅雞煲都係醬為比較多，但呢一個雞煲竟然係冇醬！香味嘅來源係份量十足嘅香料，例如蒜頭，蔥，薑蔥等等，真係非常之野味！另外一個重點係，雞煲嘅油份都比較少，因為雞煲用咗比較傳統嘅方法，齋用雞皮去出油，除咗可以令到成個雞煲更重雞味之外，亦都更加健康同埋冇咁易肥！非常好食！😋到火鍋部份，湯底揀咗花膠芋絲豬肚湯，意想不到嘅係，真係有幾多花膠！養顏之餘，又覺得好似好健康咁🤣湯好濃味，亦都唔係太鹹，飲得出唔係味精湯。而每個食火鍋嘅人都可以得到一個海鮮拼盤，諗都諗唔到會有鮑魚！冇錯係鮑魚！除此之外亦都有海蝦，蜆，魚，青口等等，全部海鮮都非常新鮮，特別係蜆，海水味超重！😭真係食完心滿意足！而火鍋料方面款式都好多，大家最想知道嘅當然就係牛肉啦！牛肉有兩款揀，和牛係非常大推！係有入口即溶嘅感覺，牛味亦都非常重。火鍋店甚至有羊
首先一嚟到會上一個雞煲，本人超級唔食得辣，但都覺得唔係太辣，啱晒一啲鍾意食雞煲而又唔食得辣嘅朋友。最特別嘅係，平時食嘅雞煲都係醬為比較多，但呢一個雞煲竟然係冇醬！香味嘅來源係份量十足嘅香料，例如蒜頭，蔥，薑蔥等等，真係非常之野味！另外一個重點係，雞煲嘅油份都比較少，因為雞煲用咗比較傳統嘅方法，齋用雞皮去出油，除咗可以令到成個雞煲更重雞味之外，亦都更加健康同埋冇咁易肥！非常好食！😋
到火鍋部份，湯底揀咗花膠芋絲豬肚湯，意想不到嘅係，真係有幾多花膠！養顏之餘，又覺得好似好健康咁🤣湯好濃味，亦都唔係太鹹，飲得出唔係味精湯。而每個食火鍋嘅人都可以得到一個海鮮拼盤，諗都諗唔到會有鮑魚！冇錯係鮑魚！除此之外亦都有海蝦，蜆，魚，青口等等，全部海鮮都非常新鮮，特別係蜆，海水味超重！😭真係食完心滿意足！而火鍋料方面款式都好多，大家最想知道嘅當然就係牛肉啦！牛肉有兩款揀，和牛係非常大推！係有入口即溶嘅感覺，牛味亦都非常重。火鍋店甚至有羊肉比大家選擇！重點係！火鍋亦都有好多菜俾大家選擇，健康人士都唔需要怕熱氣！🤣
值得一提！呢度嗌配菜嘅份量真係好準，唔會好似其他放題咁，明明想食兩件又變咗兩客，兩客又變兩片，單位會寫得好清晰，亦都數得好準確，確保份量係啱👍🏻
除咗火鍋配料之外，餐廳亦都有一啲小菜，而最好食嘅就係蜜糖雞翼！我哋嗌左差唔多20隻，非常之脆，亦都好甜。除此之外亦都有一啲小菜，例如醃青瓜，中華沙律同木耳等等。中華沙律真係非常好食！😂雖然咁講有啲奇怪，但我自己食咗好多
去到甜品，雪糕櫃固然少得啦！更爽嘅係有任食movenpick!🤤唔知有冇人同我一樣，覺得movenpick 係最好食嘅雪糕牌子，仲要任食！真係好正！而其他雪條，我哋都飽到食唔落😂真係食到攬住個肚返屋企。
價錢方面， $288 +1 ，就可以有任食火鍋，雞煲，鮑魚海鮮，任食雪糕，真係極之抵！😭總括而言，一定會再嚟食！
张贴
