影片
开饭介绍
主打火锅放题，按所选的套餐配搭鸡煲、海鲜和肥牛；另有惹味的小菜可供单点，而指定时段则供应各式点心，适合多人一起共享美食。
继续阅读
营业时间
今日营业
07:00 - 22:00
星期一至日
07:00 - 22:00
以上资料只供参考，请与餐厅确认详情
-
网上订座服务暂停
行入去揾位呢度唔坐得果度唔坐得，话唔够人数坐大枱要搭枱，讲左ok搭枱，但其实有1/3 吉枱，但之后坐低左又叫人起身转枱，我唔想转又不停重覆要搭枱要搭枱要搭枱。行入去到坐低俾3个职员不停讲要搭枱要搭枱，公司规定㖞..咪话左ok 啰..仲不停讲不停讲…其实都真心几难受，又加一又茶钱..都可以咁既服务态度，我都系想饮餐茶啫！无人添水，要自己拎住水壶行去水吧先有人加水，真系几平茶钱都无用………………………..
继续阅读
今日父亲节，之前啊妈话点心好味，就安排父亲节晚饭上嚟食，今晚都唔算人多，我安全起见一个星期前订枱，首先个冷气好似坏咗咁！未食都已经流汗，叫咗十样嘢，已经知道今日个价钱会有唔同，话晒都系节日，片皮鸭平时$148，今日$238，我哋因为叫咗好多𩠌，所以个片皮鸭冇转到两食，其中一个原因两食要加多$128，最主要系因为惊食唔晒，二来觉得$128转两食唔系好化算，冇理由净系食个片皮鸭两食都要$366未计+1，啲𩠌上得好迟，第一个𩠌上枱都要成35分钟，整个行程食咗两个半钟头，最大问题临尾仲有两个𩠌要吹咗半个钟头先有得食，成间舖头大部份已经系食紧火锅，我唔明点解个厨房10碟𩠌都要玩粒半钟，切紧片皮鸭𠮶阵时，𠮶条𡃁仔求求其片𠮶十零二十刀，成只鸭根本仲有好多皮好多肉，我问佢可唔可以片多啲肉俾我，佢话系咁上下㗎啦！我O咗咀，再问佢个壳系咪可以攞返，佢同我讲话要俾多$128, 再要计埋加一先至可以攞返个壳！好型仔哋同我讲，我哋呢度片皮鸭净系卖个皮，唔包卖买个壳！所以个壳如果你要就要俾钱当两食加多$128再+1，我而家真系明白到香港嘅饮食业点解面临接二连三嘅结业，我宁愿你直接同我讲话冇得攞走，总好过你咁回答我，我真系好想去消委会投诉！乜嘢叫做片皮鸭净系卖个皮唔系卖个壳？呢间舖头我谂都摆唔到几耐，与此同时其实你哋嘢食一系淡而无味，一系咸到飞起，而且份量又细，况且平均每碟平均加埋一$150，半只炸子鸡188未计+1……..
继续阅读
平心而论，食物质素正常，但职员态度好差。当日比较多人，无晒位，但门口系无取票系统，最近门嘅counter只系收银，完全唔会协助带位… 终于捉到个楼面讲佢听3位，佢就走咗去，又无讲系咪有位，又无俾飞… 好彩佢好快就俾咗张台我哋~ 但前面两班客都俾佢激走咗，个客话个楼面无回应佢，个楼面仲话人哋诋毁佢间舖… 跟住又话啲客好晦气，结果等紧嘅两班客都同佢嘈，最后走咗… 其实如果唔系佢咁快俾位我，我都应该走咗，因为真系唔知佢究竟系咪安排紧…
继续阅读
鸡煲几好食 但系中辣都冇咩辣味刺身唔错 大旧都算新鲜打边炉方面真系有啲差 虾滑冇虾 鲜虾云吞冇虾丸类基本上全部食粉 牛肉还可以脆肉魭味道OK但俾嘅位基本上都系骨汤底冇咩味肉类选择唔多 鸡肉都冇有啲失望服务方面店员态度很好 但系人手明显不足送漏咗唔少食物 但可以谅解因为实在人手不足汤底都等咗十几二十分钟先到雪糕可以食一个 雪条方面选择较少饮品选择都唔算多如果想食鸡煲整体嚟讲算系OK但系唔值呢个价钱味道方面依然有很大进步空间
继续阅读
平时我唔会主动写食评，但呢度令我有留港消费的动力，80字我无兴趣刻意写，至少我系北角未揾到咁有CP值既放题，无限我时间，慢慢食，希望keep住，我会再来的，加油。
继续阅读