貴緣小鍋米線 (和富)

营业中

休息中

平時好少食米線嘅我，今日食完呢間<貴緣小鍋米線>之後，真係真心愛上咗呢度嘅蕃茄湯底同醉雞湯底米線，真係足料大碗又好食！！<酒煮醉香鮮雞豬軟骨紅薯粉另外加配甜酸齋>醉雞湯底帶有微微嘅藥材香味同埋酒味，入口清甜。醉雞份量好多，都有5、6件，而且舊舊都有好多肉，雞肉都非常之嫩滑。豬軟骨炆得非常之入味好食。甜酸齋酸酸甜甜，好好味！紅薯粉入口軟糯而帶點Q彈的感覺，同湯底好夾。<特濃新鮮蕃茄湯米線配豬軟骨、腩肉、手打魚腐>超濃郁的蕃茄湯底入面有大大舊新鮮蕃茄，湯底好鮮甜。豬軟骨有半隻手掌咁大舊，而且非常之厚肉，炆得夠淋。腩肉肥瘦適中，入口帶少少微辣，非常好味。手打魚腐脹卜卜，大大舊，吸收曬蕃茄濃湯嘅精華，咬落去有爆湯嘅感覺。小食叫咗蒜泥雞絲山，呢個蒜泥雞絲山來到原來非常之多雞肉，配合埋蒜蓉香味濃厚而帶點微辣嘅醬汁，充滿驚喜。