貴緣小鍋米線 (和富)

营业中

休息中

今次想介紹這間位於北角的米線小店，這是一間近來我的米線的新寵，店舖的賣點是湯底無味精，啱晒我這個喜歡食米線又喜歡飲湯底的米線控。🍲🤩👏🏼這店同樣也是先選湯底，再追加配料，滿足個人口味偏好。😋🍜特濃新鮮番茄湯米線（$68），湯底以鮮番茄熬製，加入少許辣度，酸甜中帶微微辛辣，味道超夾。在配料方面，揀了魚肉春卷、雞肉絲和白蘿蔔三款配料。一絲絲的雞肉絲撕得很幼細，浸在番茄湯底很開胃美味。白蘿蔔煮得軟腍入味，平衡了整體口感。 🍅🍜豬骨鮮濃湯米線（$61），豬骨湯是用上新鮮的豬骨熬製，其湯底仲可以選擇濃度，店員推薦「5分濃」最適合一口飲晒碗底。這款米線配料選了肥牛、炸響鈴和貢丸。幾值得推介就是炸響鈴，吸滿湯汁後變得超級入味。🐖🦴🥓烤豬仔骨（+$38），這是今期期間限定的新產品，豬仔骨的肉質較為實淨，整個表面調滿了孜然和麻辣粉，充滿了川式風味。咬開時微麻微辣，味蕾也有相當過癮的衝擊。🍗🐷貴緣雞絲火山（$29），雞絲的份量也很多，加入了辣粉，放在雞絲底下就是酸蘿蔔，清爽又開胃。🌶️🐥

呢間小鍋米線喺土瓜灣好出名趁住放假 去北角區探朋友先發現和富開咗新店 而且坐得仲舒服舖位喺商場裏面 keep住都滿座餐牌跟以前食開差不多最吸引就係酸辣湯底和金酸湯底食材選擇多 價錢合理用QR code單 好快就上菜//招牌酸辣湯米線配秘製腩肉(微辣),滷水大腸,豬紅 $65//一定要叫酸辣湯底 真係keep到水準酸感較強 又唔會好鹹 腩肉切得較碎 但煮得好入味微辣腩肉跟湯底好夾 而大腸和豬紅的份量也多//青花椒麻濃湯米線配魚肉春卷,肥牛 $58//另一款比較推介係青花椒麻濃湯無論川式台式都好多青花椒味唔會好實辣 但惹味而後勁較強魚肉春卷較淋身 肥牛也多//巴蜀狂惹雞翼黑椒味 $29//小食的價位好抵 平均30蚊入都有我地叫左巴蜀黑椒雞翼 共5隻煮得入味 又唔會太乾或太淋身雞翼也大隻 值得一試//蒜泥白肉肉 $28//蒜泥白肉同樣份量都多調味唔會過辣或過鹹蒜味好香 肉質肥瘦均勻//可樂 $8//另外加左汽水 食得開心既一

貴緣小鍋米線 北角和富道21-53號和富B樓B15-16號舖味道評分:☄️(必食之選)>☀️>🌤>⛅️>💨☄️招牌酸辣湯 $33紅薯粉| 湯底7分濃（加濃半級）+$1 |中小辣|滷水雞翼 +$11，滷水大腸 +$11，炸響鈴 +$10呢個湯底絕對有驚艷到我，又濃又香，佢地招牌酸菜擔當左個重要角色，出眾而且唔會over左😭第一次見可以加濃湯底，重口味的我加左半級覺得perfect! 感覺配米線都會好夾~btw，響鈴吸咗啲湯汁之後都變到好好食滷水雞翼係很甜口，第一次食依隻味非常獨特，必試！滷水大腸份量都幾多，而且幾大嚿，正常好食~☄️【加購小食】大漠烤豬仔髀（2隻）$38有好多調味粉佈滿豬仔髀嘅表面，超級惹味！豬仔髀嘅口感屬於外皮硬但中間肉質滑嫩，多層口感，要食！☀️青花椒麻濃湯 $35米線|中小辣|魚肉春卷+$12，螺旋藻+$10酸辣麻辣湯底平時就食得多，青花椒湯底就比較少有餐廳做，一定要試試佢！湯底感覺比起酸辣湯底冇咁刺激，青花椒螺旋藻處理適宜，唔會有好乾好硬嘅情況，而且味道突出，連埋微辣湯汁一齊食更有新風味！☄️小食甜酸齋 $26酸酸甜甜，開胃之如又剛好可以解辣~檸

貴緣小鍋米線🍜元祖金酸魚片濃湯底 ($83)秘製豚肉招牌酸辣湯 ($53)雞肉絲蘿蔔皮蛋豆腐 ($26)酒香醉雞翼 ($39)椰汁斑斕千層糕 ($8)餐廳出名性價比好高，價錢上絕對唔貴，而食物質素亦都係好好👍🏻第一樣就想講下金酸魚片濃湯底🍲成個湯嘅酸味好夠，而魚片嘅份量真係非常之多🤫差啲都食唔哂🤣🤣魚片食落爽口鮮甜非常好👍🏻而秘製豚肉亦都係推介之選，有少少辣味，肥肉唔算好多而且都煮得好入味，真係超正😍特別想講下椰汁斑斕千層糕，見到餐廳有寫住新出低糖手工糕點就一於試下啦☺️食落又覺得甜度適中，幾啱Hker食👍🏻食多兩舊都唔會太膩，而且價錢真係好平呀， 嚟到食嘢都記住要試吓😆😆評分：9/10

監管下啲食物品質先啦唔該 呢個價錢大把好食過佢嘅選擇 呢碗野勁大陣油膱味…係個豬軟骨出事 我見佢呢個餸有個good係menu到 又幾多人食諗住實冇死 點知第一樣佢係臭油膱味搞到成碗湯都係 我咬咗一啖啲肉係柴嘅 我同個waiter講完佢夾走咗一舊肉俾廚房試 最後我要求佢整過一碗 因為本身個碗成個湯都出哂事😓😓😓 俾過新一碗就係得娃娃菜一個餸 佢冇換過成碗 淨係倒走咗啲肉 所以都仲係有少少味 不過肯倒哂佢算係咁 然後個娃娃菜一啲都唔腍完全唔入味 菜都勁失望 湯底又唔係出色 0/10嘅一餐😂

這家米線真的很好吃，經常來反而未寫過食評🤣我最喜歡它的金湯，我不吃辣所以選走辣，但本身湯底是有少許辣的，還是在可接受的程度。招牌豬軟骨是必吃推介，炆得夠腍和入味；蘿蔔夠清甜但是這天吃的時候可能太早？蘿蔔未夠腍，扣少少分🤣它的酸齋是另外用小碗裝上，很方便和人share。這次看到出了期間限定的糕點，居然有我喜歡的椰汁斑斕千層糕，所以叫了一客試試，好處是甜度低，感覺椰子味比斑斕味突出，味道算不錯，可以一試。

小編在米線關注組，久不久會看到人推薦這家店，它本來在土瓜灣大有名氣，現在更在和富開了分店。當日比晚餐時間早了一點到達，食客人數不太多，不用等位☺️招牌酸辣湯（$34）+ 魚肉春卷（$12）+蘿蔔（$9） Total: $55湯底惹味，酸度稍為重了一點，辣味選了中小辣，挻辣的，兩者配合算是不錯，會令人一口接一口地吃👍🏽至於配料，魚肉春卷剪開兩半，味道不過不失，但有點淋；蘿蔔煮得不夠淋，感覺是浸了糖水。秘製麻辣湯（$34）+腩肉（$11）+豬紅（$9）Total: $54湯底挺正宗的，有雲南的麻辣風味，喜歡此味道的人會喜歡，但小編還好，不太吃得慣那種油味重的辣椒味。至於配料，腩肉切得有點碎和小塊，但蠻入味的，不錯吃👍🏽而豬紅有驚喜，質地有咬口，味道新鮮✨Ps. 飲品都是支/罐裝的，沒有水吧。——味道：👍🏽👍🏽👍🏽.5環境：👍🏽👍🏽 👍🏽 👍🏽價錢：💡 💡 💡 💡服務：⭐️ ⭐️ ⭐️

幾年前喺土瓜灣食過呢間米線已經好深刻，近排天氣熱咗冇乜胃口，想食番碗米線，發現佢哋搬咗去北角，環境新淨咗好多，而且有得揀無味精版本，成個感覺upgrade哂，價錢反而冇乜改變，良心小店啊！第一碗🍲揀咗招牌酸辣湯，酸辣湯嘅湯底濃郁，揀咗紅薯粉，口感滑順。呢度嘅湯底好特別，有得揀濃度，可以淡啲可以濃啲，我就揀咗7分濃，適合鍾意濃郁風味嘅人，辣度適中，酸味十足，配上大量蔥花，讓整道湯嘅香氣更加突出。特別推薦嘅仲有秘製腩肉同手打魚腐，成碗米線嘅口感層次更加豐富！第二碗🍲基本上同頭先嗰碗差唔多，不過有啲餸就唔同🤤🤤呢一個特別叫咗豬軟骨同螺旋藻，螺旋藻非常吸湯吸收晒湯底嘅精華，豬軟骨亦都肥瘦均秤，炆得非常入味🔥🔥貴緣雞絲火山可以話呢度嘅招牌小食，雞絲火山嘅雞絲一絲絲，有一種手工嘅感覺，搭配特製嘅炸菜味道食更香濃。而且有少少辣粉，所以食嘅時候味道會咁豐富，微辣而脆口。另外都有一個係蒜蓉味嘅雞絲，唔食辣嘅朋友可以揀呢個🧄菜心油菜🥬菜心新鮮，保持了菜的原汁原味。簡單卻健康，有適量嘅蠔油唔會太鹹。

這家米線專門店走到門口已經聞到濃濃的香料味，是我喜歡的味道。QR Code點餐，可以自選辣度，米線軟硬度，湯底濃度，走蔥走韮……等等，好人性化。上桌後發現都好大碗。✴️特濃新鮮蕃茄湯米線 $71（連配料）(散叫：魚肉春卷／豬軟骨／爽口魚片頭)朋友點的，濃濃的蕃茄濃湯，吃得到大大塊蕃茄肉，微酸的湯底，好清新開胃。春卷爽口，豬軟骨好大件，𠯿足兩大件，好腍好入味，魚片頭口感就還好，米線自選比較爽口的。✴️秘制麻辣湯米線 $66（連配料）(散叫：滷水雞中翼／滷水大腸／手打魚腐)我點的小辣，挺辣的對我來說😂，下次要點小小辣，麻辣湯底點的是可以喝的濃度，我覺得味道挺正宗的，滷水好吃，手打魚腐綿滑吸味。✴️油菜：娃娃菜 $14挺大一棵，1開4，好嫩好甜。✴️巴屬狂惹雞翼（原味）$29有辣的，不過我朋友吃不了辣，原味也可以，一點點孜然味，加上芝麻蠻，挺香的，好入味。✴️甜酸齋 $26正常的好吃。飲品：✴️雀巢檸檬茶 $8✴️玉泉西柚 $8總結，進店前的香料味，已經令我好期待，每碗米線都可以自選，吃辣不吃辣，喝湯不喝湯都可以選擇，我覺得很好，味道我真的好鍾意，我一定會再來，下次要選少少辣了🤪。

我哋嗌咗特濃新鮮蕃茄湯紅薯粉x豬軟骨雞肉絲手打魚腐❤️個蕃茄湯超濃味 中小辣都唔會太辣 但又帶得出香辣味🍅嗌咗豬軟骨另上 好大兩塊 又唔會太肥淋淋😋雞肉絲份量巨多 幾乎同紅薯粉嘅份量相約 超啱 #健身 #減肥 人士 🐣手打魚腐口感幾淋 浸住茄湯幾入味😃加購咗大漠烤豬仔髀（2隻）重口味人士之選 豬仔髀上舖滿調味粉 非常惹味🏜️青花椒麻濃湯米線x肥牛金菇菜💚雖然嗌咗中小辣 但就噉飲個湯都唔會特別濃 不過金菇就好索汁 好有青花椒味😋肥牛可能浸耐咗有少少柴 下次可能試下嗌腩肉😆巴屬狂惹雞翼我哋揀咗原味 雞翼幾嫩滑 係燒到啱啱好 下次試下黑椒味先🔥

最近我去咗北角貴緣小鍋米線，呢間都係老店，以前啲朋友直程係揸車入嚟食，今日又想食返米線。食物keep住又抵又好食，仲見到好多和富街坊都買外賣。特濃蕃茄湯紅薯粉叫咗蕃茄湯紅薯粉，搭辣炸醬、手打魚腐、螺旋藻同響鈴。螺旋藻都係必點，佢會吸收晒啲湯汁😋又健康，份量仲要超多。湯底難得係真係有蕃茄，唔似出面😂 酸甜適中，開胃，仲可以叫唔辣。第一次食辣炸醬，十分特別，食落先知裏便有加豆豉，比出面一般連鎖店嘅炸醬係特別香。呢個一定要叫！秘製麻辣紅薯粉蕃茄可以揀加濃，特濃完全啱晒食辣嘅朋友！因為真係好辣好過隱！加咗搭配腩肉同期間限定豬仔髀。麻辣味道十足，一口接一口，加個凍豆漿一流。腩肉又係好多，而豬仔髀調味就好似燒烤店咁，一次過滿足晒兩個願望。蒜泥白肉蒜泥白肉好好味，係喜愛蒜頭人士嘅首選。蒜泥醬同出面有啲唔同，調味偏酸，味道更香濃，冇咁油膩，反而越食越開胃。啲嘢食質素keep到水準，座位有寬敞好坐，仲有卡位，唔怪得成日都咁多人嚟食😂😂

天氣反反覆覆又轉返涼，放工想食碗熱熱嘅米線🍜原來北角海濱有條新起好嘅長廊，沿路行到和富食小鍋米線。元祖金酸魚片濃湯底(米線, 滷水大腸, 肥牛, 炸響鈴, 娃娃菜) $113————————————食小鍋米線最開心係可以揀自己鍾意嘅餸😋首先可以揀麵底，我就揀咗米線，仲可以揀淋啲，掛湯一流。加咗四個餸，分別係+$11滷水大腸、+$11肥牛、+$10炸響鈴、+$9娃娃菜，份量好多！食到好飽🤰🏾餐廳主打每日以大量豬骨熬製濃厚湯底，湯底帶蒜香，同魚片好夾，魚片份量好多，味道鮮又嫩滑冇骨，非常開胃！重慶口水雞翼 $29————————————秘製麻辣口水汁，食到流口水🤤單骨雞翼方便進食。麻辣鮑片 $26————————————仿鮑片都好彈牙，加上辣椒醬夠晒香辣🌶️愈食愈過癮。加枝凍豆漿，解辣又解渴🥛

有無人同我一樣，去親長途旅行都好掛住香港啲嘢食，機場無咗三哥有啲傷心 😭🇭🇰 東區返工米線選擇唔多，米線關注組成日出現嘅貴緣上年喺北角開咗分店，主打可以飲嘅濃郁湯底，性價比勁高，間唔中都會同班同事嚟食 🥳湯底有得揀濃度都係第一次見，Menu 照顧晒不同口味非常貼心，酸辣湯開胃加埋滑捋捋米線好過癮 🌶️ 特濃番茄湯真材實料，新鮮食材熬煮，飲落好似屋企煲出嚟咁 🍅 無添加味精真係好難得！配料選擇豐富份量又足，腩肉軟腍啖啖肉，冬菇皇厚肉燜到透晒好入味，個人仲鍾意加雞絲、螺旋藻同清甜蘿蔔，吸湯一流 ☺️ 普遍辣度唔算高，中辣輕鬆！小食酒香鮮醉雞帶花雕甘香，雞肉嫩滑無雪味，酒味唔會太濃，兩三個人 share 都幾好 ✌🏻 舖頭新裝修坐得舒服，係平靚正之選 🍜📍 貴緣小鍋米線北角和富道21-53號和富B樓B15-16號舖 🍜

因為見到香港米線關注組，所以特登過嚟食北角貴緣小鍋米線，飲完個湯頭， 真係冇味精，完全唔頸渴，每碗米線即叫即製每款有得揀米粉，紅薯粉或米粉，冇任何額外收費青花椒麻濃湯，叫左中小辣，飲一啖湯，個口keep住麻麻地好過癮，紅薯粉可以要求煮淋啲豬軟骨，2大舊，好淋好入味炸醬（微辣），撈埋米線真食一流冬菇皇，一開二，有3件，大粒又吸味又勁淋，炆得甜甜地特濃新鮮蕃茄湯米線，蕃茄湯配小辣又第一次試，所以揀咗小辣秘製腩肉（微辣），分量多而且每一塊都有厚度鮮製魚皮餃，一碗都有三粒貴緣雞絲火山，雞絲配上榨菜再灑上辣椒粉，份量比預期中還要多，去到最後，雞絲火山依然是滿滿的，加一點放在湯內，吸晒味蒜泥白肉，雖然未算太大碟，但係味道又真係唔同出邊，甜甜地又唔會超級蒜巴蜀狂惹雞翼，一碟有五隻，味道有啲似連鎖薄餅店的雞翼，每隻都好厚肉米線關注組，真係冇介紹錯

昨晚與家人去到貴緣小鍋米線，餐廳位於北角和富道，位置方便。用餐環境舒適清潔，桌椅排列整齊，空間寬敞。這餐廳的確是一家值得推薦的餐廳，上菜迅速，服務員態度友善，而且所有菜式都很好味道，我們非常滿意。 首先我們揀選了招牌酸辣湯米線，湯底酸辣適中，口感豐富，加入的雞肉絲、豬紅、墨魚丸、芽菜和腐竹，增加了湯麵的層次感。每一口都能品嘗到不同的滋味，真的是令人難以忘懷。還有青花椒麻濃湯米粉，麻濃湯底帶有青花椒的獨特麻味，十分爽口。加入的冬菇皇、金菇菜和酸菜，讓米粉更加美味可口。特別推薦他們的冬菇皇，非常入味，跟其他米線餐廳的不一樣。 另外巴屬狂惹雞翼（黑椒味）也很吸引，雞翼外皮酥脆，內裡多汁，黑椒的香氣撲鼻，味道濃郁。每一口都能感受到黑椒與雞肉的完美結合，讓人回味無窮。麻辣豬肚絲則口感滑嫩，麻辣味適中，不會過於刺激。 總的來說，貴緣小鍋米線 (和富) 是一家值得多次光顧的餐廳，期待下一次再來光顧。 #貴緣小鍋米線 (和富)#和富道21-53號和富B樓B15-16號舖