牛站(駅)麻辣火鍋放題

营业中

休息中

今日晏晝朋友話午餐無乜食嘢，所以想搵間自助火鍋食下😂，咁我哋相約尖沙咀搵好嘢食，最後揀咗牛駅。牛駅位於尖沙咀加連威老道，地點好方便，地鐵站行幾分鐘就到，呢間火鍋地方好大，座位寬敞，大部分都係卡位，所以坐得好舒服👍。湯底方面有好多選擇，我哋叫咗鴛鴦湯底～香辣沙嗲併香濃蕃茄豬骨鍋，淨係個湯底，我已經覺得好正呀，豬骨鍋好鮮甜，仲有好香濃嘅蕃茄味👍。啲湯未滾起，我已經急不及待出去行個圈，睇下有咩嘢食😂，除咗火鍋料，仲有好多嘢食，每樣食一件都會食唔曬呀😂。牛嘅款式都好多，色澤好靚，質素好高，美國安格斯、牛板腱、美國極黑和牛、牛肩胛片，每款牛嘅口感肉質都各有特色，我最鍾意極黑和牛，肥瘦肉均等，入口軟淋，肉味濃郁👍甜品區有好多甜品選擇，cheesecake、豆腐花、tiramisu、牛乳布丁、草莓大福、乳酪，仲有我最鍾意嘅芋圓❤️， häagen-dazs雪糕仲要任食，正👍👍