影片
更多
2024-02-27
18 浏览
好耐冇出過蘭桂坊飲嘢，今晚收工約咗人出嚟happy下，第一場當然係醫好個肚先啦。之前喺其他分店食過都幾多選擇，估唔到呢一間分店仲豐富。而且座位都有好多，有室內同埋室外滿足晒食煙同埋唔食煙嘅人。一坐低叫咗兩杯啤酒先，呢杯白桃蓉嘅麒麟啤，其實係個底加咗白桃糖漿，不過因為佢冇攪勻，所以基本上只不過飲到麒麟啤嘅味道。反而另外一杯啤酒幾好飲，佢甜甜地有少少淡淡菠蘿香味，再加埋塊乾菠蘿，酸酸甜甜幾好食。食物方面點少得餸酒嘅燒魷魚乾，呢樣嘢真係同啤酒嘅絕配。另外我哋叫咗個生蝦，原本我都唔係太大期望，但係估唔到佢都好新鮮，啲蝦好爽脆。然後煙肉車厘茄串都幾好食，啲車厘茄好Juicy，一咬落去係爆汁嘅。然後佢個瀨尿牛丸唔係普通出邊買嘅牛丸，食落好彈牙，中間仲有啲蔥花，似係牛肉球同牛丸嘅混合體。要做一串燒帆立貝，呢個我覺得幾抵食，因為佢個size一啲都唔細。另外最好食嘅係呢個燒雞髀肉。出邊個皮燒到脆卜卜，但係入邊啲肉仲係超級嫩滑。至於呢個燒烤豚肉就有啲失望，因為佢真係燒到有啲黑。不過肉嘅口感就係實淨啲嘅，唔知係咪因為燒過龍嘅關係呢？最後就係叫咗個燒菠蘿做甜品，佢個燒菠蘿燒得唔夠乾身，但係好彩佢個菠蘿本身都夠
之前喺其他分店食過都幾多選擇，估唔到呢一間分店仲豐富。而且座位都有好多，有室內同埋室外滿足晒食煙同埋唔食煙嘅人。
一坐低叫咗兩杯啤酒先，呢杯白桃蓉嘅麒麟啤，其實係個底加咗白桃糖漿，不過因為佢冇攪勻，所以基本上只不過飲到麒麟啤嘅味道。
反而另外一杯啤酒幾好飲，佢甜甜地有少少淡淡菠蘿香味，再加埋塊乾菠蘿，酸酸甜甜幾好食。
食物方面點少得餸酒嘅燒魷魚乾，呢樣嘢真係同啤酒嘅絕配。
另外我哋叫咗個生蝦，原本我都唔係太大期望，但係估唔到佢都好新鮮，啲蝦好爽脆。
然後煙肉車厘茄串都幾好食，啲車厘茄好Juicy，一咬落去係爆汁嘅。
然後佢個瀨尿牛丸唔係普通出邊買嘅牛丸，食落好彈牙，中間仲有啲蔥花，似係牛肉球同牛丸嘅混合體。
要做一串燒帆立貝，呢個我覺得幾抵食，因為佢個size一啲都唔細。
另外最好食嘅係呢個燒雞髀肉。
出邊個皮燒到脆卜卜，但係入邊啲肉仲係超級嫩滑。
至於呢個燒烤豚肉就有啲失望，因為佢真係燒到有啲黑。不過肉嘅口感就係實淨啲嘅，唔知係咪因為燒過龍嘅關係呢？
最後就係叫咗個燒菠蘿做甜品，佢個燒菠蘿燒得唔夠乾身，但係好彩佢個菠蘿本身都夠甜夠Juicy，所以都算係咁啦。
张贴
