影片
更多
2020-03-04
341 浏览
佐敦有幾間質素好高嘅 cafe，每一間都有唔同嘅賣點。講到 Cafe REVOL，我最鍾意就係呢度嘅裝修風格，無論係店外嗰一排好 cozy 嘅望街座位，抑或係店內嘅壁畫，單車同擺設，甚至係以 portafilter 當門柄嘅玻璃門， 全部都好有型格。下午茶時間嚟，唔肚餓，只係叫咗杯咖啡配 chocolate muffin。我 order 咗杯 Hangover Cue，即係 Americano 加蜜糖同肉桂粉，味道比想像中奇怪😂，我諗如果係肉桂愛好者應該會好鍾意，不過撇除呢個因素，杯咖啡其實質素好高：不但咖啡味道濃郁，面頭仲鋪住一層咖啡油，好正👍；至於個 chocolate muffin 雖然係現成貨，但上枱時都另外灑上糖霜，感覺認真，味道方面，朱古力味幾突出，整體又唔會太甜，唔錯。聽聞呢度嘅卡邦尼意粉（賣飛佛😆）好出色，下次嚟一定要試試。
下午茶時間嚟，唔肚餓，只係叫咗杯咖啡配 chocolate muffin。我 order 咗杯 Hangover Cue，即係 Americano 加蜜糖同肉桂粉，味道比想像中奇怪😂，我諗如果係肉桂愛好者應該會好鍾意，不過撇除呢個因素，杯咖啡其實質素好高：不但咖啡味道濃郁，面頭仲鋪住一層咖啡油，好正👍；至於個 chocolate muffin 雖然係現成貨，但上枱時都另外灑上糖霜，感覺認真，味道方面，朱古力味幾突出，整體又唔會太甜，唔錯。
聽聞呢度嘅卡邦尼意粉（賣飛佛😆）好出色，下次嚟一定要試試。
张贴
