海街丼 (海光街) (已搬遷) 新店位置

今日同朋友行經鰂魚涌見佢介紹我食呢間日式刺身丼飯一入到去 鋪頭嘅裝修勁靚好高級 而且好有日本風格而店員亦都友善同埋熱情咁推介佢哋嘅食物咁我朋友就叫咗個海寶丼入面好足料 而且全部都好新鮮而我呢就叫咗個限定丼係廚師發板嘅丼 師傅就會根據當日新鮮嘅食材來決定呢個丼飯嘅材料係限量㗎所以店員叫我如果想食就快啲叫果然冇介紹錯 當日嘅材料係吞拿魚同埋海膽兩樣都好新鮮 海膽係好鮮甜而不得不介紹嘅就係呢度嘅當飯原來係冇落到醋 而係有一啲醋嘅果凍俾你另外落呢個食法好得意 而且令你更加開胃除此之外佢仲會有一壺魚嘅高湯一齊上佢話食到咁上下可以試吓 落去個飯到當茶漬飯咁食 果然有另一番風味 正啊