星海薈﹒譽宴

营业中

休息中

今日媽咪黎沙田搵我，特登搵左間坐得好啲既酒樓同佢食晚餐，最後擇左呢間係酒店既譽宴。晚市有啲特價小菜。。是日燉湯特價$68，叫左「雪梨無花果花膠燉湯」清潤鮮甜，飲落好潤喉，仲有大大舊花膠，Cp值超高。「招牌白胡椒蟹 $598」之後就係媽咪order既白胡椒蟹 ，性價比超高😍蟹勁大隻，無論腳同蟹夾都好好肉👍🏼👍🏼仲要超香白胡椒味，啖啖肉真係好爽。「生炒臘味糯米飯 $168」叫多個臘味糯米飯配蟹食，糯米飯好足料，有齊臘腸潤腸，仲要切到好細粒，啖啖都食到蛋絲👍🏼炒得又夠鑊氣。。最欣賞係呢間酒樓真係好岩同屋企人聚餐，環境好好啲人好有質素，又唔會太嘈，岩晒同屋企人傾吓偈。