尚苑京滬川菜 (已結業)

平時假日最鍾意同屋企人發掘啲新茶樓飲茶，支持一下本地消費💪🏻見呢間酒樓嘅樟茶鴨餐都幾抵食，就入去試吓😆點心套餐B $218🔸樟茶鴨 (半隻)🦆🔸桂花海皇炒新竹米🔸白灼菜心一碟🥬🔸自選兩款點心樟茶鴨色澤好金紅🦆上碟都知好對板，成隻鴨每個部位都有好濃郁嘅嘅樟木同茶葉香味，連啲頭、頸、尾位都好入味，外皮都幾酥，肉幾嫩，我見佢平時晚市優惠半隻都係$98，都真係好抵食👍🏻 炒米粉非常足料，有大蝦、帶子、象拔蚌等，炒得乾身又爽口，配埋大蔥絲更添香氣🔸萵筍蝦餃皇🥟大大隻蝦餃外皮佈滿金箔，影相夠靚✨大蝦爽口又彈牙🔸鮮蝦燒賣皇🦐呢度啲蝦點心都幾唔錯，蝦仁都係好大隻，豬肉冬菇餡料都好新鮮除咗套餐，我哋仲散叫咗幾款點心，話明呢度係食京滬川菜，所以都叫咗啲生煎包、小籠包🌟以下價錢下午茶係有八折，所以抵食好多🌟櫻花蝦煎蘿蔔糕 $24最推薦嘅點心‼️ XO醬超惹味，入面有超級多臘味，又大大粒，好食過好多酒樓🤤上海生煎包 $44熱辣辣生煎包，一咬開爆晒湯汁，豬肉餡都幾多，小心燙口灌湯小籠包 $44一樣都係充滿湯汁，皮薄餡靚甘筍鹹水角🥕 $30完全被外型吸引，所以叫黎食，個皮都幾煙靭，入面就係平時鹹水角嘅餡料黑金流沙包