凱旋點心小廚

营业中

休息中

$648的超值套餐話就話係4人餐，其實6個人食都綽綽有餘。沙薑雞半雞都幾大碟吓，啲雞肉有彈性，面而且都算滑。咕嚕肉唔太肥又唔太酸，肉嘅份量都算多。瑤柱金菇豆扒苗絕不欺場，無論瑤柱同豆苗嘅份量都算多。清蒸龍躉仔又係比想像中大條，而且好新鮮。粟米魚肚羹都幾大窩，我哋5個人每人起碼飲到3碗，入面都幾多魚肚。臘味糯米飯又係好大碟，炒得夠香又夠乾身，不過啲臘腸同臘肉就肥咗少少，但係味道真係唔錯，幾好食。埋單連埋茶錢同花生錢先至每人$140，直頭係反通脹價錢。