影片
平霸街坊小菜馆，d小菜嘅味道都Ok，胜在性价比高，$148可以拣2款小菜，选择都几多，有成十几款，我最后拣咗蟹肉金菇扒豆苗同埋西柠鱼块。蟹肉金菇扒豆苗真系落足料，超多蟹肉，而且豆苗嘅份量都多，好大碟。西柠鱼块虽然个卖相麻麻地，不过食落都ok，鱼块嘅质素都几好，起码唔会成旧都系粉无乜鱼肉。加咗一碗白饭，连埋茶钱同碟花生，合共$183，抵。
继续阅读
心血来潮想食点心，揾到附近有一间凯旋点心小厨，见门口摆满点心蒸笼就入去试下。街坊小店主要做附近街坊生意，平时lunch时间经过都无入去试过，今次就试下啦！原来佢哋夜晚有做小菜，dinner时间有其他小炒选择。蒸饭孖宝笼仔蒜蓉鱼片饭加一碟菜，鱼上面铺满蒜蓉来蒸，阵阵蒜蓉香味，鱼片咬落几滑，饭稍为有点硬。又想试下蒸凤爪同流沙包，蒸凤爪普通但都够味，流沙包热辣辣咬一啖里面奶黄流出来。街坊小店水准不过不失，可以一试。食太饱流沙包食唔哂要打包走
继续阅读
呢一间街坊小炒真系非常抵食， $138有两个𩠌，啲𩠌嘅款式都几多，而且份量都算几大碟，目测三至四个人都够食。因为我哋得两个人所以食到好饱，我哋拣咗粉丝虾煲同埋黄金鱼球，拣粉丝虾煲嘅原因好简单，就系见佢单价比较高，所以套餐叫佢好似抵啲，至于个黄金鱼球纯粹系因为想叫你睇吓究竟系乜东东。粉丝虾煲味道唔错，虾嘅数量比想像中多，粉丝索晒啲虾嘅味好正。个黄金鱼球亦都比想像中好，事关我一开头系谂住鱼蛋或者鲮鱼球，然后外面加d咸蛋黄去炸，结果原来佢系鱼肉起球再加咸蛋黄喺外面再拎去炸。
继续阅读
您可能会有兴趣的...