極尚大喜屋

营业中

休息中

食咗咁多次大喜屋，今次分享下點乜嘢食物最回本。今次仲要揀閒日午市放題，只係$268一位。食物分手機落單同埋出去public area拎。一入坐可以用手機落單叫大量刺身，有三文魚、油甘魚、希靈魚、甜蝦、大蝦、帶子、北寄貝、赤貝、海螺，今次仲有松葉蟹腳。係等待嘅時間就可以出出面拎飲品，除咗一般汽水，仲有冷泡茶，亦有梅酒、sake任飲。返埋位仲未到刺身就可以準備叫第二輪的食物。仲意食壽司可以叫佢哋嘅創作壽司，用料到幾好。其他普通壽司、炸物、串燒就建議skip咗佢。反而可以試吓一品料理，有花膠鮑魚、炸乳鴿、爆鱔球、蟹粉豆苗等甜品呢期有個極尚椰皇燕窩燉蛋白，記得截單之前(離場前30分鐘)落單，之後可以出去拎Häagen-Dazs雪糕，仲有今年龍年仲有一個非常之cute嘅BB龍綠茶奶凍，唔好錯過。