影片
更多
2023-01-13
788 浏览
最近同朋友迷上左印度Naan同咖喱，今日黎左銅鑼灣一間印度餐廳食weekday buffet！Weekday午市Buffet都算好抵食，$135+10%，仲包一杯飲，可以一次過試哂咁多款咖喱！除左白飯，有8款咖喱可以選擇！Hara Bhara Kebab北印度既蔬菜煎餅，多數都會加入菠菜，入口脆身，但唔會太乾，而且好有蔬菜香味Thela Tikki Chaat鷹咀⾖涼拌薯仔餅，入邊拌有唔同種類既蔬果，有蕃茄、三色椒、乳酪。食落係咁多款最辣😂但加左鷹咀⾖令到佢有薯蓉質感，入口好香好creamyOnion Pakoda Kadhi炸鷹嘴豆粉球，將所有食材打蓉，再搓成丸狀去炸！入口軟身，但又唔會好鬆散，豆味十足，另有一種獨有既酸味Chatpati Mix Veg涼拌咖哩角，同一般食到既咖喱角唔同，佢只係將薯仔切粒再炸香，然後加入口同種類蔬菜煮到薯粒入味，味道唔錯！Kadhai Wala Chicken小鍋咖喱雞，加入洋蔥、蕃茄、蒜蓉，將雞肉煮得juicy又香口，超好食！Lamb Do Pyaza羊肉咖喱，羊肉香腍充滿咖喱香味，而且羊肉唔騷無雪味，冬天食夠哂暖胃！Punjabi Mango L
最近同朋友迷上左印度Naan同咖喱，今日黎左銅鑼灣一間印度餐廳食weekday buffet！Weekday午市Buffet都算好抵食，$135+10%，仲包一杯飲，可以一次過試哂咁多款咖喱！
除左白飯，有8款咖喱可以選擇！
Hara Bhara Kebab
北印度既蔬菜煎餅，多數都會加入菠菜，入口脆身，但唔會太乾，而且好有蔬菜香味
Thela Tikki Chaat
鷹咀⾖涼拌薯仔餅，入邊拌有唔同種類既蔬果，有蕃茄、三色椒、乳酪。食落係咁多款最辣😂但加左鷹咀⾖令到佢有薯蓉質感，入口好香好creamy
Onion Pakoda Kadhi
炸鷹嘴豆粉球，將所有食材打蓉，再搓成丸狀去炸！入口軟身，但又唔會好鬆散，豆味十足，另有一種獨有既酸味
Chatpati Mix Veg
涼拌咖哩角，同一般食到既咖喱角唔同，佢只係將薯仔切粒再炸香，然後加入口同種類蔬菜煮到薯粒入味，味道唔錯！
Kadhai Wala Chicken
小鍋咖喱雞，加入洋蔥、蕃茄、蒜蓉，將雞肉煮得juicy又香口，超好食！
Lamb Do Pyaza
羊肉咖喱，羊肉香腍充滿咖喱香味，而且羊肉唔騷無雪味，冬天食夠哂暖胃！
Punjabi Mango Lassi
似係加左鮮芒果既芒果乳酪，酸酸甜甜好開胃！
Masala Ginger Chai
加左印度香料既薑茶，除左微微薑既辛辣，仲有淡淡香料味，味道有趣又好飲
张贴
