影片
更多
2016-06-10
710 浏览
呢排喺佐敦行街個陣，見到有好多順德菜，我嗰日同朋友講不如搵日試吓順德菜，佢哋嘅鯪魚、家常便飯好似好有特色。朋友就話唔係太鍾意去啲太local嘅地方，如果食順德菜，佢想選擇一間有啲質素嘅順德菜餐廳。佢上網search左一下，建議約埋幾個朋友，食順德菜不如食啲精品啲、同埋有口碑嘅餐廳。最後我哋揀咗名門順德私房菜，作為我哋第一次食順德私房菜嘅地點。選定餐廳後，朋友嘗試打電話約星期五六晚，點知佢地個預約都排得好後，於是我地唯有揀咗平日收工黎食，費時一拖再拖。雖然講係平日，一上到名門，依然係滿座。呢間餐廳嘅擺設保留中國特色、裝修平實，似乎都係因為食物嘅質素，先至咁受歡迎。食順德菜，又點會唔少得鯪魚做嘅食材？我哋一坐底就問有咩鯪魚做主打既招牌菜？店員講咗幾度好有特色嘅菜，但係有啲一定要預約先有，因為非常考究功夫，並唔係即時可以做到，所以最後我哋就揀咗兩樣推介菜。分別係順德煎釀鯪魚（例）$148與櫻花蝦鯪。呢個順德煎釀鯪魚，一上枱成條原裝魚，睇唔到有咩特別之處。店員於是同我地講佢嘅做法，原來裏面已經去咗骨，兼且係師傅用手打三條新鮮鯪魚，打到起膠，然後混入臘腸、陳皮等調味後，再用鯪魚皮包紮，再炸香先上
朋友就話唔係太鍾意去啲太local嘅地方，如果食順德菜，佢想選擇一間有啲質素嘅順德菜餐廳。佢上網search左一下，建議約埋幾個朋友，食順德菜不如食啲精品啲、同埋有口碑嘅餐廳。
最後我哋揀咗名門順德私房菜，作為我哋第一次食順德私房菜嘅地點。
選定餐廳後，朋友嘗試打電話約星期五六晚，點知佢地個預約都排得好後，於是我地唯有揀咗平日收工黎食，費時一拖再拖。
雖然講係平日，一上到名門，依然係滿座。呢間餐廳嘅擺設保留中國特色、裝修平實，似乎都係因為食物嘅質素，先至咁受歡迎。
食順德菜，又點會唔少得鯪魚做嘅食材？我哋一坐底就問有咩鯪魚做主打既招牌菜？店員講咗幾度好有特色嘅菜，但係有啲一定要預約先有，因為非常考究功夫，並唔係即時可以做到，所以最後我哋就揀咗兩樣推介菜。
分別係順德煎釀鯪魚（例）$148與櫻花蝦鯪。呢個順德煎釀鯪魚，一上枱成條原裝魚，睇唔到有咩特別之處。店員於是同我地講佢嘅做法，原來裏面已經去咗骨，兼且係師傅用手打三條新鮮鯪魚，打到起膠，然後混入臘腸、陳皮等調味後，再用鯪魚皮包紮，再炸香先上枱。
聽店員咁講真係手工複雜、程序繁複，所以大家急不可待就起筷。。。魚皮仲係香脆嘅，裏面嘅鯪魚非常彈牙，魚肉飽滿，無骨，仲夾雜魚肉！由於混入左其他配料，增加左魚香同口味的複雜度，果然名不虛傳！
睇到中間，果然係充滿鯪魚鮮肉，咬一啖都唔散，廚藝超卓，鯪魚好鮮、膠質重，魚皮脆香，呢度招牌菜真係不可錯過。下一道菜櫻花蝦炸鯪魚球，都好好食！
鯪魚球，同上既感動。呢道菜嘅特色就係加左櫻花蝦喺面再炸，櫻花蝦選材一樣係新鮮無敵，所以食到好濃郁嘅蝦味，蝦殼脆脆地，呢種各有千秋嘅海鮮配搭，同時滿足两種海鮮既口感。
湯羹都係順德菜有名嘅菜式，今日叫左呢個魚羹 - 順德菜粒豆腐魚茸羹（例） $348
你睇到佢就知用料非常豐富，有菜心、豆腐，仲有大量嘅鮮魚肉魚！魚湯無添加任何味精，相信連雞粉魚粉都無添加！因為食落去嘅味道同鮮甜度係完全唔同嘅。清新、魚鮮，又一絶！睇返啲相，都好懷念佢啖啖魚香味。今晚食咗佢哋嘅大良炸鮮奶（例）$138，都唔錯，只係有少少偏甜。
鮮奶味濃，口感香滑而且外皮脆而不油膩。如果可以再減少少甜就完美了！甜品方面叫左佢哋嘅生磨蛋白杏仁茶 $48/位
佢哋嘅南北杏係現磨即做，所以呢碗蛋白杏仁茶係食唔到化學嘅杏仁精味，好順滑、好正宗，裡面嘅蛋白份量都非常之多，成碗蛋白杏仁茶好天然，才賣48元，抵食！
其實仲想試佢地唔同特色嘅榮譽菜式，但係呢度由於係私房菜，好多特色菜式或個別要求都要預先同大廚講，未必能即叫即有，因為大部分需幾小時或一两日時間準備。因為呢d 係手工私房菜，大廚用佢幾十年經驗，好費心機去準備同泡製，要食佢地既家傳神秘菜式，睇黎要再擇日，提前同店家溝通下。
张贴
