影片
更多
2022-11-19
486 浏览
第二次來筲箕灣形薈，呢度好近地鐵站，好方便，餐廳位於商場外圍，比較易搵。因為上網見到呢間餐廳好靚，好適合打卡，所以就約埋朋友來試一試。是日餐湯（蘑菇湯）：蘑菇味很豐富，入口後口腔充滿非常濃郁蘑菇味，雖然有忌廉，但唔會覺得膩。酥皮焗周打蜆忌廉湯：好耐都冇飲過酥皮湯，酥皮湯最吸引嘅地方，就係用匙羹篤酥皮嘅感覺，湯熱辣辣出哂煙，酥皮脆卜卜，浸落湯度吸曬湯汁，非常美味。傳統意大利烤餅配牛油果及車打芝士醬：烤餅有四塊，焗得啱啱好，脆得來唔會硬身。牛油果醬很滑身，而且香味濃郁。車打芝士醬充滿濃濃芝士味，鍾意芝士嘅朋友一定唔可以錯過。而且醬汁非常豐富，唔會擔心唔夠點，兩個醬都好好食，如果可以打包返屋企搽麵包實在一流。新奧爾良Shake Shake海鮮袋配意大利蛋麵：海鮮袋最吸引嘅地方喺可以見到職員即場嘅表演同埋有唔同種類嘅海鮮，再吸收滿滿醬汁，非常美味。而且仲配有蛋麵就唔驚唔夠飽蝦真係非常大隻，而且爽口彈牙，蝦殼亦唔會黏住蝦肉，進食非常方便。蜆肉有6隻，唔會有沙，扇貝又大大粒亦都配有西班牙腸，粟米同薯仔，薯仔薯味香濃芒果拿破崙：拿破崙脆皮好脆，用刀好容易就可以切開同朋友分黎吃，酥皮層次分明，有滿滿吉
第二次來筲箕灣形薈，呢度好近地鐵站，好方便，餐廳位於商場外圍，比較易搵。
因為上網見到呢間餐廳好靚，好適合打卡，所以就約埋朋友來試一試。
是日餐湯（蘑菇湯）：
蘑菇味很豐富，入口後口腔充滿非常濃郁蘑菇味，雖然有忌廉，但唔會覺得膩。
酥皮焗周打蜆忌廉湯：
好耐都冇飲過酥皮湯，酥皮湯最吸引嘅地方，就係用匙羹篤酥皮嘅感覺，湯熱辣辣出哂煙，酥皮脆卜卜，浸落湯度吸曬湯汁，非常美味。
傳統意大利烤餅配牛油果及車打芝士醬：
烤餅有四塊，焗得啱啱好，脆得來唔會硬身。牛油果醬很滑身，而且香味濃郁。車打芝士醬充滿濃濃芝士味，鍾意芝士嘅朋友一定唔可以錯過。而且醬汁非常豐富，唔會擔心唔夠點，兩個醬都好好食，如果可以打包返屋企搽麵包實在一流。
新奧爾良Shake Shake海鮮袋配意大利蛋麵：
海鮮袋最吸引嘅地方喺可以見到職員即場嘅表演同埋有唔同種類嘅海鮮，再吸收滿滿醬汁，非常美味。
而且仲配有蛋麵就唔驚唔夠飽
蝦真係非常大隻，而且爽口彈牙，蝦殼亦唔會黏住蝦肉，進食非常方便。
蜆肉有6隻，唔會有沙，扇貝又大大粒
亦都配有西班牙腸，粟米同薯仔，薯仔薯味香濃
芒果拿破崙：
拿破崙脆皮好脆，用刀好容易就可以切開同朋友分黎吃，酥皮層次分明，有滿滿吉士醬，很挺身，入口滑溜，而芒果很多，非常新鮮，唔會酸。
Duck Island：
鴨仔造型真係非常可愛！女仔必點。有青檸味很清新。
Naughty Milk:
係士多啤梨乳酪，士多啤梨味濃郁，亦有果肉咬，增加口感，甜度適中，亦唔會酸
张贴
