優點心 (已結業)

之前見過呢間餐廳有點心放題，可惜太忙食唔到。上星期咁岩去左中環食又諗起佢就試左一次。點心放題完左但野食一D都唔貴，大部份二十三十蚊有交易，性價比中環黎講好好！特別介紹人參小籠包，因為一食入面真係有人參片！係真係有人參片唔係淨係得個味粉！仲有桃膠系列糖水，之前睇過中醫都介紹過有美顏功效，不下於貴價補品。岩哂女士們。除左點心外仲有好多串燒同甜品，有個柯華田流沙包都好正，冇平時流沙包咁悶。雖然位置巷仔到但絕對唔失禮啊。