串酒里 (已結業)

離地鐵站十分鐘既路程，巷仔拐彎直達串燒里。雖然地方小小， 離遠已聞到串燒香，有室外吸煙區，格調唔錯。 ——————-粗口黑啤餐廳既賣點係自家製既啤酒，分別印製四款唔同港式粗口既啤酒， 四款都唔同味道，果日飲既係GAU-係甘蔗味既黑啤，味道十分特別，最重要既係飲完可以帶個樽番屋企擺！ ————————點左幾款既串燒，分別係蒜蓉燒原條茄子，車打芝士扇貝，金菇肥牛，黑松露蒜蓉廣島蠔，自製醬汁黑豚肉。—————-蒜香原隻茄子特別推薦原條茄子，一大層木魚碎， 下面既係香噴噴既蒜蓉， 一份茄子都已經大大份。 ———————黑松露蒜香廣島蠔另外係廣島蠔，本人不嬲鐘意食蠔， 呢到既廣島蠔唔會煮得太熟，食落仲有蠔既鮮味，又不失黑松露香，好味。 ———————雖然食物價錢唔平，但係性價比而言，食物的確唔錯，同埋員工都好友善，服務周到。