はま寿司

营业中

休息中

早幾日嚟左新開既Hama壽司食晚飯，預早左1個月網上預約，由於大家都擁住試新野，所以都係搭正12點就要入去book，咁好好彩都book到 1945既時段，去到等左唔夠15分鐘就安排入座。座位方便分左吧枱同卡位可以揀，而我地就揀左卡位。壽司質素方便，材料都尚算新鮮，但其實款式就唔算太多，你會見到佢分左好多版，但其實都係果幾款魚類，只係配上唔同既醬汁或者整法。其中幾樣我個人比較覺得理想既係長腳蟹壽司，肉質鮮甜結實，但就比我想像中細，而如果無殼會比較好。大吞拿魚壽司，入口油脂感都豐富，唯賣相無咁靚，同埋有啲散。我地亦都選擇左鮮蝦天婦羅湯喬麥麵同鴨肉烏冬試下，感覺係非常之咸，唔係濃味係咸，呢樣真係唔使嗌。最後，叫左幾個甜品試下，分別係抹茶巴菲、朱古力巴菲、同千層蛋糕。巴菲來講，正常發揮，沒有亮點亦沒有很差的感覺。而千層蛋糕就不需要叫了，口感太硬，唔夠軟，有啲乾身，cream唔足夠，一般甜品店既質素更佳。整體而言，食物質素不過不失，相對同類型日本壽司直營店來講就失色左啲。若然唔需要預早book又或者唔使排好耐隊，咁啱路過等一陣就可以食既話，都係一個不錯選擇，但就唔需要刻意過嚟排隊食。