稻香.茶居 (荷李活商業中心) (已結業)

性價比低，質素普通😣晚餐我哋叫咗乳鴿、糖醋排骨、龍蝦伊麵、甜豆炒象拔蚌、仲有酸菜魚乳鴿唔夠嫩滑，味道過鹹，食到好口渴。糖醋排骨就幾好食，味道適中，排骨唔會太過肥膩。龍蝦伊麵冇乜驚喜，不過不失，龍蝦嘅肉質OK，但伊麵唔夠味道。甜豆炒象拔蚌味道清淡，份量有啲小，仲加埋啲象拔蚌嘅內臟入去一齊炒🤨酸菜魚嘅份量就足夠，入面有埋薯粉，但係太過辣，淨係食到辣味冇酸味。整體來講有待改善，份量差啲，而且價錢唔平，性價比低。