爆爆鍋 (已結業)

主打新式嘅一人一火鍋，入面嘅湯底同一般嘅好唔同，大部分以爆炒為主，店名亦都好有氣勢咁叫做爆爆鍋！爆炒櫻花蝦鮮鍋第一款鍋材料以櫻花蝦為主，特別嘅地方係店員會先幫你將材料炒香，然後將湯倒入去再加入醬汁，咁樣做法令到成個鍋嘅香氣十足，味道亦更加惹味，而且亦保留到櫻花蝦嘅香味。爆炒燒酒烏雞鍋呢鍋就係炒香之前會落埋燒酒，味道更加香，入面嘅烏雞煮到入晒味，肉質都算幾滑，湯底用嚟打邊爐非常入味。SRF極黑牛前肩肉超大塊嘅前肩肉，味道保留到SRF極黑牛嘅重肉味特色，配合埋惹味湯底，唔點醬都好好味。美國特級翼板肉翼板肉就相對肉味無咁濃，但勝在油脂分佈比較多，口感更嫩滑。手工松露海鮮丸有濃厚松露味嘅海鮮丸，好夾嘅一個組合，味道夠晒鮮甜。滷水金錢肚口感彈牙有咬勁，因為本身滷過所以已經入晒味。懷念鹽酥雞炸粉落得啱啱好唔會太厚，味道夠晒香口惹味。夜市炸魷魚炸魷魚同樣出色，而且口感更彈牙，食到停唔到口。蘋果醋QQ冰紅茶蘋果醋嘅酸甜口味加上紅茶嘅香味，底層仲有Q彈啫喱，啱晒配火鍋飲👍🏻。珍珠翡翠檸檬另一款由口感就較清新，亦帶有檸檬嘅酸酸甜甜，珍珠口感彈牙，係唔錯嘅配搭。最後仲送兩支雪條😛