影片
更多
2018-01-31
632 浏览
除近同朋友係尖沙咀飯聚. 去左一間環境舒適, 食物質素都唔錯的日式放題. 餐廳係先付款拎收據後, 再入座的形式. 而且餐廳內係没有提供食物紙落ORDER, 我地需要直接係WeChat 上add左餐廳後, 再scan收據上的QR CODE後, 就會出現菜單, 可以係手機上直接點選食物再落ORDER. 非常方便. 環境新凈, 座位闊大舒適 一入門口就見到生蠔 & 龍蝦吧! 放題都有生蠔任拎任食真係少有, 而且生蠔的質素都唔差, 蠔肉飽滿, 蠔味重而且爽口; 自助西式熟食吧枱 除左生蠔任拎任食外, 每人都會奉送半隻日本龍蝦 (伊勢海老), 可以選擇5種唔同的烹調方法: 芝士燴龍蝦, 海膽黃金燒龍蝦, 明太子焗龍蝦, 上湯燴龍蝦 & 菠蘿他他醬焗龍蝦. 而我就選左個清清地的上湯燴龍蝦. 没有太多的調味料烹煮,可以食到龍蝦最天然鮮甜味! 龍蝦肉大大舊, 口感彈牙爽甜, yummy yummy~~ 刺身沙律 – 除左上面係大隻的鮮甜蝦刺身, 下面係多款切丁的魚刺身混埋沙律醬, 口感豐富; 刺身併盤 有帶子, 赤貝, 三文魚,吞拿魚, 北寄貝, 油甘魚, 甜蝦, 希靈魚,
餐廳係先付款拎收據後, 再入座的形式. 而且餐廳內係没有提供食物紙落ORDER, 我地需要直接係WeChat 上add左餐廳後, 再scan收據上的QR CODE後, 就會出現菜單, 可以係手機上直接點選食物再落ORDER. 非常方便.
環境新凈, 座位闊大舒適
一入門口就見到生蠔 & 龍蝦吧!
放題都有生蠔任拎任食真係少有, 而且生蠔的質素都唔差, 蠔肉飽滿, 蠔味重而且爽口;
自助西式熟食吧枱
除左生蠔任拎任食外, 每人都會奉送半隻日本龍蝦 (伊勢海老), 可以選擇5種唔同的烹調方法: 芝士燴龍蝦, 海膽黃金燒龍蝦, 明太子焗龍蝦, 上湯燴龍蝦 & 菠蘿他他醬焗龍蝦.而我就選左個清清地的上湯燴龍蝦. 没有太多的調味料烹煮,可以食到龍蝦最天然鮮甜味!
龍蝦肉大大舊, 口感彈牙爽甜, yummy yummy~~
刺身沙律 – 除左上面係大隻的鮮甜蝦刺身, 下面係多款切丁的魚刺身混埋沙律醬, 口感豐富;
刺身併盤有帶子, 赤貝, 三文魚,吞拿魚, 北寄貝, 油甘魚, 甜蝦, 希靈魚, 深海池魚 等等… 材料基本上都係厚切, 全部都好新鮮&鮮味;
壽司我地就點左其中幾款: 芒果花之戀, 火灸魷魚海膽,壽司塔, 甘蝦蟹膏, 挪亞方舟 & 黑松露帆立貝壽司基本上全部都細細件, 容易入口. 最愛挪亞方舟, 甜甜地的腐皮中間包住一小舊飯, 上面鋪有一隻大甜蝦, 甘香海膽 & 清新青瓜. 整體口感甜甜地, 軟軟綿綿中帶有少少青瓜的清新味道和脆口口感, 好味!
虎蝦, 土梨, 蟹棒, 蕃薯, 南瓜 & 青尖椒天婦羅天婦羅外層粉漿薄薄地, 新鮮熱辣辣入口好酥脆. 虎蝦肉質牙嫩口. 而南瓜由於係厚切的原因, 所以入口特別軟綿, 南瓜香味濃郁, 味道清甜.
HEHE醬焗蠔 – 少有聽到 “HEHE醬”, 忍唔住叫黎試下. 醬汁主要由沙律醬調成，味道清新又甜甜地，唔會太過重味, 加埋大粒蠔肉，食落鮮甜又有口感。
縮骨蒜爆牛柳粒 –牛柳粒吸哂蒜的香味, 牛柳粒口感都唔錯, 外面較乾身而裡面都OK多肉汁;
黃金甲軟殼蟹 - 軟殼蟹都幾酥香可口, 可惜底層的米通餅硬左少少, 唔係好咬到;
明太子玉子燒 – 中間軟軟滑滑又甜甜地咁, 蛋味好香. 可惜明太子就少左D, 食唔到咩味道;
蒜燒安格斯牛肉 + 鹽燒海蝦前者安格斯牛肉燒得剛剛好, 唔會過老過硬, 肉汁豐富, 牛肉香味濃郁;
而後者鹽燒海蝦亦都唔錯, 食得出係好新鮮, 蝦肉唔會霉, 仲好彈牙鮮味;
蕉糖菠蘿 – 外層有淡淡的焦糖香味, 菠蘿入口香甜多汁, 十分解膩~
原盅雞燉翅 – 味道清清淡淡咁, 最估唔到又真係會有 “真魚翅”出現, 一啲都唔 “行”喎.
一樂牛鍋鍋的大細份量剛剛好, 牛肉大概5-6片, 比較少脂肪, 所以成個鍋都唔會覺得太油. 而湯底係用左壽喜燒, 味道甜甜地. 裡面的蔬菜亦都煮得十分軟稔…
鮮蟹粥用燒熱左的石鍋裝蟹粥, 上枱後不停係咁出泡, 夠哂新鮮滾熱辣!
粥底除左綿滑鮮味外, 估唔到仲有大大件半隻新鮮的彈牙蟹肉, 果然係真材實料!
最後食埋甜品:
MOVENPICK雪糕有咖啡味 & 楓糖核桃味兩款口味. 而我就揀左楓糖核桃味. 口感軟綿綿香滑, 而且仲有粒粒核桃果肉, 正!!
各款小蛋糕 & 啫喱杯
除左多款罐裝飲品外, 仲有新鮮即榨橙汁機
张贴
