新榮記

营业中

休息中

星期六晚上同朋友去咗食新榮記，最想食佢個烤鴨，確實冇令人失望。佢個烤鴨會分兩部份，第一round先會切一小碟鴨皮，鴨皮非常薄，侍應介紹我哋點砂糖。真係入口即溶，好好食。之後第二round係正常嘅鴨肉。配料方面，除咗一般會有嘅配料，仲會有山楂條，夾埋烤鴨肉食，味道一流。另外，蜜汁紅薯都好好味。我哋另外叫左一 隻BB乳鴿，鴿皮非常脆，值得一食。環境方面，雖然燈光不太光，但整體感覺都不錯。 侍應服務態度很好，佢地會詳細解答有關食物嘅問題。亦會好細心咁提議你選擇食物嘅份量，唔會不斷係咁叫你叫多d。因為當晚我哋只有兩個人，當初我哋都叫得較多份量，之後侍應有提議我哋不用叫咁多住。 以呢個食物質素來講，呢個價錢我覺得值得嘅。