一點心 (通菜街)

营业中

休息中

數年前幫襯過一點心 ，食物環境都好好 ，可能之前係疫情所以冇咁多人幫襯 ，星期一諗住閒日冇咁多人所以去幫襯再試試， 點知一去到已經有大量國內同胞遊客喺度等位， 好彩都唔係等得太耐 ，喺門口等位已經叫你寫定食乜點心 ，一坐低問佢有冇香片， 員工冇回答， 就放低一壺茶原來係普洱 ，冇得揀茶冇所謂 ，點心一到，一望外觀已經唔掂， 燒賣已經變咗樣完全唔掂蒸過龍 ，鮮蝦腐皮卷唔係煎，係炸仲係炸到黑曬添 ，咖哩魷魚唔入味， 係個蝦餃還可接受 ，菜苗餃變咗厚皮餃， 個人認為，老細為咗盡快返枱，做多啲生意，導致服務態度變差， 亦導致食物質量下降， 餐廳衛生環境變差 ，亦都可能點心師傅已經轉過好多人 。