漁獲浜燒 (已結業)

老細請食飯，當然要食好少少，今次揀左銅鑼灣漁獲浜燒，方便大家！先來支天之戶 sake飲落真係好醇好易入口，酒夠醇飲落亦唔會咁易醉，經理冇介紹錯，配埋燒鱈魚乾飲酒食，係一種生活享受。黑松露比目魚邊沙律個比目魚邊好肥美同好滑口，入口溶化，配埋黑松露同牛油果食，個頭盤已經為其他菜作一個好開始。秋刀魚刺身好重秋刀魚魚香味，但又唔會有腥味，食完再炸埋條骨比你送酒，一魚兩食。正！味噌蟹甲羅燒呢老細請食飯，當然要食好少少，今次揀左銅鑼灣漁獲浜燒，方便大家！燒海鮮大大塊魷魚，燒到嗰邊有少少燶燶地，食落非常之香口，再點埋柚子醬，味道變得好清新。鱈場蟹腳點整都好食，啲肉無收水就證明到材料新鮮，正。和牛石鍋飯上枱一撈嗰飯，啲香味即刻湧出嚟， 嫩滑和牛再加上有少少飯焦嘅焦香味，食完一碗又一碗，停唔到口。桃味雪芭呢個甜品為今餐浜燒畫上一個完美句號，桃味芳香同食落好清新，飯後必食。食物材料都非常新鮮，而服務非常好同細心，經理有詳盡介紹同建議，亦都有個肥仔哥哥由頭燒到落尾，態度親切，食物質素同服務態度都無得挑👍