牛極 (大全街) (已結業)

今日嚟到美食森林大角咀做嘢，呢個小區變化都幾大，三步一食肆，五步一餐廳，喺度唔怕無嘢食，只怕太多嘢食唔知點選擇。幾經掙扎，最後選了這間日式石燒牛扒餐廳，一來門口海報塊扒勁吸引，二來像極日式小店，有自閉面壁位，啱晒今日自己1個人的晚餐。一入門口，侍應已很有禮貌地指著日式自助售票機，介紹石燒牛扒的選擇。可按個人口味選擇不同部位的牛(牛肩、牛柳、西冷、肉眼等)、仲可以按個人食量去選擇牛扒的size，最後侍應仲幫我落埋order，感覺十分友善窩心。🥩牛肩扒上枱時，石板仍因熱力而發出滋滋聲，看著比漢堡扒還要厚身的牛扒，實在急不及待下刀。雖然塊扒很厚，但切落去非常腍，外層已燒得熟透的牛扒，但切開時仍可見到粉嫩的紅色，可見廚師火喉處理得幾好。將未熟的一面反過來放在石板上，見到牛的油脂慢慢滲在石面，然後又是聽到滋滋的燒肉聲，整個個程好玩又療癒。💗選牛肩因為這是最富肉味的部分，放入口，牛脂的味道散發於口腔內，極滿足。這間餐廳能做到呢個平價，但肉質不錯的石燒牛扒，真心讚!! 除左石燒牛扒之外，一如眾多同類餐廳一樣，設有自助區，凍檸水、椰菜絲沙律(有柚子沙律汁同胡麻沙律汁供調味)、珍珠米白飯(仲可以自加紫菜