上海老家 (已結業)

好耐都冇食過上海菜啦，今次試咗間去大角咀嘅小店可以叫套餐亦都可以散叫四川擔擔面香口但一啲都唔辣，怕辣嘅都可以食，個湯好香飲落好重花生醬味，面條幼滑彈牙。酸菜魚雖然係特價，但份量一啲都唔算少，呢個真心辣，而且口味偏酸左小小，魚肉都算多。肉沬炒粉絲，好香辣得泥好惹味，有冬菇做配料，食落無咁膩，而且中和番個口感。食唔到辣嘅朋友都可以選擇叫紅油炒手，辣度同擔擔麵一樣，醬汁較甜，而雲吞係用西洋菜雲吞，粒粒都好大。燻蛋啲蛋比平時見到嘅大好多，蛋黃同蛋白完全係兩種口感，蛋白熟左係固體，但蛋黃依然可以保持溏心嘅效果，蛋黃上有一層鹽，入口會有小小鹹。