旦王花 - 泰越鍾情

呢間位於錦上路148號地下，店名旦王花，每逢農曆新年前我必定同家人去錦上路買蘭花，買完花，必定到此店醫肚，呢間店假期必定有好多人光顧，無得訂位，要等位的，餐牌幾乎每樣食物都好好味，今日就叫左無骨豬手、柚子沙律、青咖喱雞、沙爹拼盤、洋蔥薄餅、蒜蓉薄餅、海鮮墨魚麵、炒通菜，而而飲品方面就叫左青檸梳打、椰青、三色冰，泰國象啤、其實碟頭都幾大份，以上份量夠6-8個人食的，其實重有燒大頭蝦好想叫，但因為已經叫左太多野，惟有下次再食過。