Ms.K布丁燒專門店 (已結業)

嗰陣時見網上訂購有優惠$190六件，即係除返開～$30一件，見唔算太貴，一時口痕就買咗嚟食下。雖然有好多隻味但唔係日日都有齊咁多種，我去換領嗰日就揀到（1）原味、（2）咖啡、（3）楓糖、（4）雲尼拿、（5）黑糖、（6）伯爵紅茶。其實原味同楓糖味嘅差別都唔係好大（朋友食完都係咁講），主要係楓糖味甜少少，但如果有得比我揀多次會想試下其他味。咖啡同黑糖味我覺得都唔錯，可能因為本身就鍾意嗰種味😛買嘅時候比埋紙碟同匙羹，朋友聚會嘅時候share都方便啲。最後就係個布丁燒由個兜sur落嚟嗰下好有滿足感，可以準備定影低🤣