今次下晝就嚟食呢間日式燒肉放題，佢做緊優惠買一送一，食咗一個叫「霞」嘅餐，埋單唔使$600兩個人好抵食喎😋😋😋
一上枱先來一個A5和牛嘅牛扒，再嚟一碟海鮮拼盤🤪海鮮拼盤有兩隻鮑魚，兩舊西京燒魚同埋一個罐罐牛肋條🤤鮑魚燒咗個面15分鐘，真係燒得啱啱好啊😜西京燒魚食落會甜甜地，但係好有魚味，最驚喜呢係罐罐牛肋肉，食到甜甜地之餘牛唔會韌，好驚喜呀🤪
作為專業牛魔王，嚟到食燒肉當然要食牛舌食到夠本啦🤤呢度有唔同款式，唔同味道嘅牛舌，每個味道都好得意😎尤其鍾意個法式芥辣蜜糖味，識落都幾夾喎😜
食肉食到好油膩嘅話唔驚～～佢呢度都有生菜同埋一兜兜嘅牛油菇，其中有一個係黑松露燒雜菇，我覺得個黑松露味勁好食😍😍😍叫咗幾兜，將金菇放埋落黑松露兜兜嗰度，又變咗黑松露金菇了😋
今次淨係掛住食燒肉，都食咗好少炸物，炸物裏面其中嘅一口芝士，炸到熱辣辣，入口係爆漿芝士我最欣賞啊🤪🤪
嚟到甜品環節，出邊有一個任嘅雀巢雪糕同埋韓式珍珠奶茶味雪條同埋榴槤雪條，我覺得淨係食榴槤雪條值回票價🤤🤤
