東喜茶 (已結業)

食完lunch，又去完花墟買開運竹，同個同事經過東喜茶門外，同事見到有買一送一既芝士桑莓，我地二話不說就走入去買！平時係旺角區食lunch，無見旺角分店有特別優惠，所以好少飲。但太子分店竟然有幾款優惠喎！兩個人一邊行返公司一邊飲芝士桑莓我會勁搖杯飲品，等芝士和果汁撈埋先飲。呢間既芝士比例唔算多，果汁份糧係明顯多d，所以呢杯既桑果同草莓味係好fresh，飲緊既時候仲會有少少一粒粒果肉，多左少少口感。都好好飲既，但我係一個芝士控，如果多少少芝士就好啦！下次行開太子，我一定會再睇下有咩優惠！