影片
更多
2018-09-21
124 浏览
一向懶得寫食評嘅我好耐無出旺角，難得出嚟就上open rice 搵間好野食，見呢間鋪標到明no.3 收藏，又多 Lam lam脷，諗住實無死，點知嚴重中伏，唔寫唔得！lunch 時間上到去，好多人，但得兩位同事招呼十幾張枱，見好多人係枱度呆等，我都叫咗好耐先得閒理我幫我落單，叫咗個龍蝦芝士濃湯配流心豚肉卷燴飯，嚟到變咗龍蝦芝士濃湯配溏心蛋+日式叉燒“湯”飯，賣相樣衰。。。落錯單唔緊要，我係雜食者咩都食，燴飯變湯飯都算！我當湯飯食！三片叉燒凍嘅，大廚應該諗住啲熱湯將佢整返熱呱，半隻溏心蛋係碗飯唯一正常嘅食物，跟住試下個名為燴飯嘅湯飯喇，毫無龍蝦味嘅湯，我完全唔知食緊咩，總之好難食，再而見到兩細條假到爆嘅蟹柳，係好似擦膠咁樣，硬實實無可能撕到一絲絲出嚟嘅勁假蟹柳，出名垃圾口嘅我食咗幾啖頂唔順放低$102走人，無飲品，因為我只散叫一個飯，午市$102食啲咁嘅垃圾，幾無要求都好，似乎過分得滯！
no.3 收藏，又多 Lam lam脷，諗住實無死，點知嚴重中伏，唔寫唔得！
lunch 時間上到去，好多人，但得兩位同事招呼十幾張枱，見好多人係枱度呆等，我都叫咗好耐先得閒理我幫我落單，叫咗個龍蝦芝士濃湯配流心豚肉卷燴飯，嚟到變咗龍蝦芝士濃湯配溏心蛋+日式叉燒“湯”飯，賣相樣衰。。。落錯單唔緊要，我係雜食者咩都食，燴飯變湯飯都算！我當湯飯食！三片叉燒凍嘅，大廚應該諗住啲熱湯將佢整返熱呱，半隻溏心蛋係碗飯唯一正常嘅食物，跟住試下個名為燴飯嘅湯飯喇，毫無龍蝦味嘅湯，我完全唔知食緊咩，總之好難食，再而見到兩細條假到爆嘅蟹柳，係好似擦膠咁樣，硬實實無可能撕到一絲絲出嚟嘅勁假蟹柳，出名垃圾口嘅我食咗幾啖頂唔順放低$102走人，無飲品，因為我只散叫一個飯，午市$102食啲咁嘅垃圾，幾無要求都好，似乎過分得滯！
张贴