亞南雞煲

营业中

休息中

今晚係慶祝爸爸媽媽結婚35週年！之前同媽媽經過呢間，佢話搵日試下，但事隔半年，我就提出同佢地去食。😋😋入到去，個侍應見我地買左1袋2袋大袋野，我買左2對鞋，個鞋盒都好大個🙈我地3個人，佢就叫我地坐張6人枱，話方便我地擺野，招呼都幾好，比著第二間理得你啦😅兩老想食鮑魚雞煲，叫左半隻，我就寫埋其餘啲邊爐散叫。鮑魚雞煲半隻，雞件大件，鮑魚有2隻，我唔係幾好鮑魚同埋又得2隻所以無試，雞煲叫左少辣，唔太辣但味道都幾惹味。牛肉拼盤：有牛肉、牛丸、牛肉粒同牛腩最好食係牛丸，好重牛味，同埋好似食到牛油味咁牛肉望落幾靚，不過食落無咩味牛肉粒好Un牛腩口感幾好，不過都係無咩牛味海鮮拼盤：桶蠔、大花蜆、深海龍躉魚片、桂花蚌、鮑魚桶蠔好鮮味亦都好大隻大花蜆都好鮮味魚片我無食，爸爸媽媽話好好食桂花蚌好爽口好滑鮑魚我都無食，佢地話鮮甜兩個拼盤會各送一個蔬菜，任選。佢地揀左菜拼同瓜拼。蔬菜無咩特別，十下十下十到佢焾曬入晒雞煲味就好食！魚皮比一般餐廳厚身，不過佢都係好脆唔硬，而且味道整得幾好，好香墨魚滑都可以，有粒粒墨魚肉埋單$1023。整體黎講，食物可以，價錢偏貴。