老上海飯店 (已搬遷) 新店位置

與client三個人來食飯傾野，雖然貴少少但勝在招呼唔錯亦坐得舒服，何況公司數當然要食好D。叫了皮蛋豆腐及燻魚做冷盤，熱盤有清炒河蝦仁、紅燒獅子頭同炒鱔糊，再叫兩個陽春麵，甜品要了八寶飯。總的來說食物是很有水準，亦屬正宗上海風味。其中以炒河蝦仁最值得推介，蝦肉新鮮爽口，清清地配合味濃的獅子頭及炒鱔糊剛剛好。八寶飯以蓮蓉做底，煎得香口好食，唯獨是較為飽肚，所以食左幾口就食唔曬了。埋單好似要六佰幾﹝因為唔使我俾﹞，是貴但叫做值得。可惜不合時令，這裡的蟹粉撈麵是不可不吃，是大上海以外的至正選擇。