和牛88 (已搬遷) 新店位置

日本人咁長壽唔知係咪因為都輕食多呢？今晚又去左食日本野🍻🥢 食好嘢唔使食到飽一飽既～呢間主打食和牛 所以價錢都係中檔位叫左一個和牛飯同四個小食加杯日本手工黑啤，另外佢有一個前菜(坐低叫完野食就會送上)☺️🥢首先最睇得下就係呢個人人介紹嘅火焰和牛雞釜伴飯，上枱火燒個幾秒真係嘩嘩聲😂不過食落似炒飯 ，可能撈個陣整碎左啲牛，但原塊食相信口感會更好😌第二道，個人超鍾意既黑毛和牛膾🤤🐮雞蛋撈埋牛肉真係好滑lulu🙊配埋青瓜成個感覺好清新爽口🥒如果你接受到食生牛肉就一定要試🤪仲有～黑毛和牛他他都推介😋 牛肉有微微燒過，食落係香口又嫩滑㗎！🐮另外兩款小食都係不過不失嘅😌炸芝士球同炸泡菜豬肉芝士卷都好脆口而且芝士仲會拉絲㗎！🧀餐廳除咗左日本酒都有啤酒，平時好少飲啤酒但聽到有手工黑啤就即刻叫左，牛肉配黑啤都夾㗎🤣如果你係牛魔王可以試下呢間餐廳，會幾有驚喜既，因為餐牌見佢仲有和牛壽司㗎，生同燒都有，同埋海膽和牛花之戀之類🤣過癮呀～服務嚟講 平日夜晚都唔算多人，服務員上菜又快，態度好好，上燒牛肉飯之前仲提我哋拎定手機出嚟🤣🤣🤣555{因為燒個下得十秒左右，要影得快喔>#<}