瀛舍 (已結業)

原本以為係韓舍，點個轉左日式放題。去ok呀。價錢719三位，10點食到11點幾。唔知係咪趕收工，食物質素差到不知所謂。金菇肥牛卷，金菇同肥牛分開既。火炙和牛壽司得燶味，明明就係金菇肥牛果件牛。羊架唔知想點，叫三件，得一件似架，另外兩件係羊脂。燒蝦個大細比甜蝦更細，唔係用甜蝦燒掛…清酒煮蜆有腥味；燒生蠔細過蠔餅d蠔仔重要好腥。以上兩樣一食即吐。另外大陪份食物只係得返餘溫（除左炸物同刺身），好唔用心。唔好食既食物不能盡錄。 但講返好食既有燒菠蘿，大件燒多汁夠甜；雞軟骨餃子夠鬆脆有咬口；甜蝦係幾大件只係鮮咪不足。食咁多次放題，第一次二十分鐘內停曬手…