FLIPPER'S (已結業)

上星期六，同上海朋友食完個light lunch後，要等小寶仔出嚟會合我，又唔知去邊，就決定去銅鑼灣食pancake。記得之前剛開張時，想walk in 都未必有位，但係宜家好咗了，最後我排了差唔多45分鐘，就有得食，而小寶仔就剛剛好到。我們分別點了士多啤梨藍莓香蕉pancake及榛子朱古力焦糖香蕉pancake。老實說，賣相真係唔錯，見到佢好鬆軟的樣子感覺好治癒。侍應提我地唔好用刀，其實我都唔係太明白，但都聽佢話，成程用叉食。可能期望太大，而且賣相又好，所以當吃第一啖的時候，是有少少失望的。瘋魔咁多人願意走去攞飛排隊，原來味道是這樣的。其實味道唔係差，只係我自己太有期望，而且價錢真的偏高。所以我真係未必會再食，尤其是仲要排長龍。