誠 (已結業)

補寫屋企人訂左依間係IFC既貴價日本餐廳同我食生日飯，第一下個感覺係、嘩！好貴呀，唔知水準又拍唔拍得住日本呢？講真，好坦白，要係香港食返日本當地咁既水準真係同價錢成正比，價錢唔多唔少都反映質素。咁當然又以返香港咁既貴價係食到日本頂級架啦！好喇入返正題，先打個底講講先，屋企人同果度既經理侍應好熟，所以服務上我保持中立啦！始終唔知係因為屋企人係貴賓既關係所以會好d定係一如既往。但成餐飯感覺都係服務周到既。咁我地5個人叫左好多野食，有刺身啦、天婦羅啦、生蠔啦、長腳蟹啦、燒魚頭啦、仲有甜品。所有野都好新鮮，生蠔同海膽係我最care既野，因為一有少少味我都食得出跟住會覺得唔好食，但依度居然一d都無！食返日本新鮮甜味！值得一讚。甜品叫左幾個sorbet, 係用原隻既桃挑空左d肉再整返d sorbet入去！好奢侈呀件事！但真係好好食！淨係原隻日本桃我諗本身都成百幾蚊粒！食到好飽反晒肚！依餐咁貴既生日飯食左成萬蚊😱 多謝屋企人既愛錫，我地唔係咩大富人家，難得有咁既機會見識下。