八木橋日式燒肉

营业中

休息中

同朋友去始創中心行完，去附近搵野食，之後諗住食燒肉，見到八木橋係燒肉就入去，之後就係中伏既開始，我同朋友簡左最貴果個套餐，一入到去唔使5分鐘就比個刺身拼盤，一望，啲質素仲差過兆萬既放題刺身，不過算，我嚟食燒肉，唔係食刺身，就用電話落單，比得最貴嘅價錢，梗係簡最貴既A4和牛，點知來到果時來左一堆無叫既野，原來係套餐包埋，一大堆下價野來到，食完真係唔使叫其他，和牛更慘，全部未解凍，切到碎晒加痴埋一齊，厚薄不一，燒起上嚟好麻煩，最後叫啲甜品食，無雪糕食都算，得5-6款野，又係啲下價到唔下價既野，最後埋單五百幾六佰，但係係二百幾放題既質素。