歌柏絲意大利餐廳 (已搬遷) 新店位置

第一次幫襯呢間餐廳，食左個貴價午餐。一去到已經有個bread basket係枱面，侍應會斟上橄欖油及醋。麵包有好幾款，全麥/白麵包都有。不過d麵包凍冰冰，我個人就覺得唔太好味。頭盤揀左凱撒沙律，菜好新鮮。同行友人說鹹了一點，不過我就覺得ok。主菜我要左個Butterfly pasta，個汁辣辣地，材料只得幾片青瓜同幾粒薯仔，一片肉都冇，好似好齋咁。甜品揀左朱古力蛋糕，朱古力味濃厚，不過太甜。最後飲埋杯熱咖啡，冇咩特別。服務差左d。我地叫侍應refill個bread basket，佢竟然要我地拎埋最後一件至肯refill，我地都覺得好奇怪。不過我唔會再幫襯啦，貴得黎又唔係真係好好食。