白鮨 (已搬遷) 新店位置

有一日喺金鐘行街，突然想食日本嘢所以就去咗呢間餐廳。由於我嗰一日到達嘅時候已經係完咗午飯時間，所以只係等咗幾分鐘就有位。佢入邊有壽司枱（bar枱）比客人揀，師傅會係你面前整壽司個種。由於我都係諗住食壽司所以揀咗坐呢款枱。好肚餓嘅關係，我當日係叫特上壽司定食。雖然差唔多成$300 ，但係佢嘅用了絕對係靚，算係厚切同埋新鮮。落單嘅時候，佢會好細心問你有冇嘢唔食，我同佢講咗我唔食海膽，佢就幫我轉咗做其他。當日我個定食一共有12件，包括吞拿魚，帶子，蝦，鰻魚，軍艦等等。跟餐仲有麵豉湯同前菜。食完夠曬飽，好滿足