如果想俾人鬧
或者食啲唔係你想叫嘅野食記去啦
耐唔耐都會食
嘢食係正常偏咸 唔算好食
通常食完都好口渴
不過屋企附近冇類似嘅舖頭
所以焗住叫外賣
電話落單好清楚叫「牛肺粗麵」
當時去到俾錢見到張單都打咗牛肺
但俾錢嘅時候收銀已經將張單撕走
一返到屋企打開盒，點知係「牛腩粗」
即刻打返電話落去
點知聽電話個收銀態度已經唔好
仲話要我落返去換 唔肯退錢
但我解釋唔係住附近 佢堅持要我落嚟餐廳
（態度勁差）
我諗住折衷啲解決問題
問佢有冇PayMe又話冇
堅持話已經電腦入咗單冇得退錢
但明明係自己餐廳做錯嘢 仲想個客suffer?
最後講到終於肯退錢
明明收銀一定有我張單喺度啦
又問我收咗幾多錢？
當時喺電話我真係一時醒唔起俾咗幾多佢
（總之就四十幾）
聽電話嗰個收銀仲要窒我話我俾咗幾多錢都唔知？
如果咁講 你係返緊工 你收咗人哋幾多錢你又唔知？
呢啲咁嘅舖頭換返俾你都唔敢食啦
永久blacklist
