明輝粉麵茶餐廳

营业中

休息中

記得啱啱 去呢間粉麵店食嘢嘅時候 ，只係純粹經過諗食咩好，見到呢間就行入去試試， 比佢嘅牛雜吸引令到我想試一試；我就叫左一碗“牛肚雲吞米粉”，一定要配上我最鍾意嘅“辣椒油”，口感各方面都令我試完一次再想食。仲有其他一般茶餐廳嘅食物可以食到。佢辣椒油仲要自家制，好味值得一讚舖頭內嘅老闆娘好親切嘅笑容，仲要係同食客打成一片，所以就特意寫番一遍文章留言

食左好多年其實 之前未改名已食緊雖然我吾算成日食 住附近 間中諗起牛腩就會去呢間講緊十幾年前間店已經係度 啲野食係好食 價錢合理入面啲伙記係好有人情味 同啲街坊都係會吹下水果隻 所以都係做街坊生意既地道屋邨小店其實見到佢個每日晚餐menu都好想食但次次坐低都不期然會叫牛腩因佢地啲牛腩 食過咁多次 質素好平均所以成日食吾到佢其他野😬檸茶都好好飲下次我會食佢地晚餐個酸菜魚 同蠔仔煎蛋餅推薦啲人黎食下支持下小店呢啲吾連鎖麵店買少見少

外賣貨不對辦 仲反而鬧個客？如果想俾人鬧或者食啲唔係你想叫嘅野食記去啦耐唔耐都會食嘢食係正常偏咸 唔算好食通常食完都好口渴不過屋企附近冇類似嘅舖頭所以焗住叫外賣電話落單好清楚叫「牛肺粗麵」當時去到俾錢見到張單都打咗牛肺但俾錢嘅時候收銀已經將張單撕走一返到屋企打開盒，點知係「牛腩粗」即刻打返電話落去點知聽電話個收銀態度已經唔好仲話要我落返去換 唔肯退錢但我解釋唔係住附近 佢堅持要我落嚟餐廳（態度勁差）我諗住折衷啲解決問題問佢有冇PayMe又話冇堅持話已經電腦入咗單冇得退錢但明明係自己餐廳做錯嘢 仲想個客suffer?最後講到終於肯退錢明明收銀一定有我張單喺度啦又問我收咗幾多錢？當時喺電話我真係一時醒唔起俾咗幾多佢（總之就四十幾）聽電話嗰個收銀仲要窒我話我俾咗幾多錢都唔知？如果咁講 你係返緊工 你收咗人哋幾多錢你又唔知？呢啲咁嘅舖頭換返俾你都唔敢食啦永久blacklist

九龍灣一帶有好多街坊小店，今次想介紹依間小店是明輝粉麵茶餐廳。之前路過都唔會特別留意到依間店舖，不過最近裝修完之後，每次經過都見到入面有唔少人食緊飯，所以覺得水準應該都有返咁上下先會咁多人食，於是就黎試下佢！咖哩牛腩飯依間茶餐廳以牛腩、牛雜做招牌，所以牛腩都有一定保證。牛腩都有6、7件、肥瘦均勻而且肉質唔鞋、易咬。咖哩汁方面就好濃，夾起件牛腩時會完全被咖哩汁包圍，一Ｄ都唔水，配飯一流！另外，飯的份量好大，如果唔太大食的人可以叫少飯。牛雜麵牛雜有牛肺、牛胃、牛膀、牛腸, 好入味，特別鐘意牛腸同牛膀；河粉偏軟同散，份量好多... 細食的記得叫少粉！湯就比較清，冇乜記憶點。另外加左一碟菜，味道都正常。以下係我的評分（滿分為５分）：味道：4.5分環境：3.5分服務：4分價錢：5分推薦程度：4.5分明輝粉麵茶餐廳 網址: https://s.openrice.com/QrbS0WgaB00~uKZISBA地址: 牛頭角牛頭角道33號宏光樓地下1-2號舖電話: 23050228

🍴牛腩麵 $43 (8/10)幼麵有啲少鹼水味，但好爽口彈牙，牛腩有成8大舊，係半肥瘦，仲要有幾個部位，食得出肉質上面有唔同！有口感肉質彈性，又有軟腍，又唔鞋，有牛嘅香味，生菜都好爽口，係幾好食！☕️奶茶 +$5 (8/10)茶味濃郁，帶少少澀味，奶香滑，有卦杯效果，好好飲！推薦指數: 8/10呢間茶餐廳而家喺九龍灣開咗好耐，一直屹立不倒，好多街坊幫襯嘅，雖然轉左老闆，但牛腩嘅味道好似好食咗！

嗱！老實講一句啦。今日心血來潮分享一間老字號粉面檔，食個宵夜填下肚。呢間明輝由朝到晚都有食客幫襯，貨如輪轉，食材好難唔新鮮。單拼湯河都係$42，一句講曬：牛雜鮮香，正。個酸菜魚以量取勝，味道中規中矩啦😅總括嚟講，份量質素都算對得住個價錢。其實做開街坊生意都唔會衰得去邊，啲姐姐同啲阿叔都好老友鬼鬼

我爸最鍾意食崩沙腩，收前未轉手時都周不時落去食返元做宵夜之前突然裝修，原來係轉手轉手後愈來愈差，每次都同自己講可能咁岩果舊唔靚啫點知今日午餐既又去買返黎打開一睇….未見過咁既崩沙腩，你未煮好既話其實可以直接講聲，都講明比老人家食，想要淋啲，點知仲衰過平時唔記得講要淋啲既崩沙腩，普通牛腩都可能無咁離譜咁樣好似岩岩出完水待煮既肉類咁都照賣，離哂譜，已比左好多次機會，今次真忍無可忍。講衰啲真係地踎街邊麵檔麵好食過你收銀果位阿姐，問多句都唔得果隻，我行多幾步有樂園可以揀，唔一定要食你

今日同朋友食明輝，午餐雖然有好正的牛腩飯，但想試下其他，所以叫咗咕嚕肉。真係唔講得笑，50蚊個餐但卻無hea你，碟咕嚕肉上枱是熱辣辣，嗰嚿肉的外層重係脆的，酸甜適中好送飯。另外叫咗碗淨墨丸同朋友分享。一碗有6粒，重有幾條菜。咬一口，不得了，除咗十分彈牙外，重會食到有粒粒墨魚肉，真係好食到停唔到口！！墨丸屬極強烈推介，入明輝必食項目之一。雖然已好飽，但我真係一個太為食的人，重有好多嘢想食。所以暫臨走時，叫多三個午餐，留返做晚餐。分別係encore 的牛腩飯, 泰式無骨豬手飯，同海南雞飯。牛腩上次寫咗，唔使再多講，依然咁好味。豬手飯軟滑無骨啖啖肉，重附送半隻蛋同幾片鹵水豆腐，一啲都唔馬虎。雖然係茶記，但明輝的海南雞並不比泰國餐廳差，好嫩滑。另外值得一提係香茅油飯，話就話油飯，佢但卻做到一啲都唔油，重有好香的香料味，好好食。明輝，已成為我嘅飯堂。

明輝轉手新裝修後，光鮮好多！今日去食咗個牛腩飯。$50個午餐，包熱飲同例湯。例湯唔記得影，但絕不嬉場，當天是紅蘿蔔粟米雪耳豬骨湯，一飲就知唔係一般茶記的例湯咁簡單，首先我碗湯好好彩，有齊以上4種湯料，湯面無油，湯是奶白色的，如唔係老火湯，應該煲唔到咁嘅效果。牛腩飯到，心入面不禁 ‘嘩’咗一聲，好大碗，唔會因為係餐所以比少啲。牛腩牛味濃，夠淋，肥瘦適中。除咗牛腩外，碗裡重有幾夠白蘿蔔，清甜無渣。一個餐比到你均衡飲食，有齊澱粉，肉，同蔬菜，而且唔肥膩，真係被迫成日出街食飯的朋友的一個好選擇。除咗牛腩牛什外，其實明輝重有好多選擇，例如泰式海南雞飯，泰式無骨豬手飯，水煮魚／牛，酸菜魚／牛，小菜客飯等等，好在住附近，可以慢慢試。總括而言，明輝一定會返頭再食的茶記！

間店是新頂手, 一樣的名稱加新裝修, 我今日外買自取泰式無骨豬髀飯, 點知老闆娘話menu已經修改左, 以後, 用番, 又話無左自取免盒錢; 然而, 亦想試一試. 估不到的, 飯竟然是不熱的, 附近兩餸飯是熱的, 最最最失望勁失望的是沒有了泰式酸辣汁、青瓜及酸菜, 只保留3片豆腐. 而豬手得個字, 仲要係S咸比超市賣的煮汁更更更遜色, 點攪呀⚡難以置信👎🏻👎🏻👎🏻

明輝茶餐廳在牛頭角已經很久了，最近重新裝修。作為街坊食肆，中午午餐的價錢，還是比較便宜的。午餐叫了一個「榨菜枝竹蒸牛肉」，飯依然是很大一碟，牛肉份量比較多，味道比較濃烈，用來送飯還是不錯的。另外叫了一個「咖喱牛腩飯」非常多汁，有三塊大薯仔，牛腩都有5小塊份量不算少。咖喱味道不算辣，牛腩有嚼勁。午餐$48一份，有例湯，有飯，有熱飲，算是平價之作。雖然食物質素普普通通，但係可以稱得上抵食夾大件。但見到更多人食牛雜麵、牛腩麵。看來牛腩牛雜才是主打，有機會下次要試吓。裝修之後，雖然枱與枱之間依然密集，但坐得比較舒服，加上可以八達通付款，也是方便了。