易牙妙手 (已結業)

因為開會開到九點，又唔知去邊度食，友人就提意去呢間試下。（如果係我的話呢間不一定係我首選…）不過，勝在唔駛等位，一埋去就話執緊枱，肚餓，唔理咁多。見到其實都幾多人…打開餐牌，幸而都唔係冇野想食…鹵水拼盤、一個湯飯、一個紅燒牛肉麵、再黎多個雞肉石頭飯…鹵水拼盤－－略鹹。雞翼浸左好耐、淋哂，個人係OK的，雞腎好靭，大腸OK，其他都幾好。湯飯－－無乜驚喜、我記得好似有酒味。紅燒牛肉麵－－咦？呢個反而OK 架喎…我未試過其他店的牛肉麵…（事實個人來講不是太喜歡在香港吃台灣菜…完全不是台灣的味道嘛！）味道係有（味精唔少啩？），牛肉幾淋、蘿蔔都幾淋，整體係配合得幾好。