華嫂冰室 (杜智臺)

营业中

休息中

第一次去華嫂灣仔這間分店，食之前我食開觀塘嗰間，一向都知華嫂排長龍，但係太耐冇食過，所以唯有排吓隊，灣仔呢間分店好多都係遊客幫襯而上班族較少。諗咗好耐最後揀豬扒喇沙米線，本想加多個菠蘿油但係驚太飽，所以都係叫一個米線就夠。出餐超級快嗌咗唔使5分鐘就已經上菜睇落去個豬扒同觀塘嗰間大細差唔多，食落個味道都好似但觀塘嗰間好似較為濃味。而那新湯底兩間分店都不相伯仲，椰汁味好濃好香，唔會太辣啱晒我呢啲唔係好食得辣嘅人，最緊要係夠多芫荽唔鍾意食芫荽嘅朋友記得要走芫荽。再加埋杯鹹檸七，簡直係最佳嘅配搭。感覺到灣仔呢間分店嘅員工服務態度比觀塘分店友善，好多同埋座位比較寬敞唔會咁迫，如果唔使等位咁耐就好啦。