Mokumoku Yakiton (厚福街)

营业中

休息中

今日得閒行街尖沙咀，行完約朋友一齊食晚飯，之前聽朋友介紹過呢間專問食串燒既日本餐廳，話味道唔錯，所以決定今日去試吓先！😊第一道串燒上黎，係西班牙產黑豚肩肉串，第一啖咬落去，好香肉味，有肉汁，有驚喜，味道唔錯，食完齒夾留香！第二道串燒-豬顎骨串燒，食落肉味有小小香味，但相對黎講，黑豚肩肉串好味好多，我個人比較喜歡食！第三道-白金䐁肉流心蛋，外層用豚肉包住隻蛋，再加上櫻花蝦煎香，好好味，喜歡入廚既可以自己試吓整！鍾意食流心蛋既人會超喜愛它！香葱牛柳串同之前既串燒味道差唔多，無太大分別，但唔會覺得好差！白金豚肉林檎蘋果卷，豚肉同蘋果估唔到咁夾，特制既醬汁令到食物再提升！好醒胃，食多幾串都仲得！味噌煮牛筋同沖豬手呢2樣都好冧好入味！，如果有飯一齊食的話會好滿足！我個人覺得係上菜比較慢，因為得一個師傅係度燒，總體黎講，喜歡飲返幾杯又唔趕時間，會同朋友傾下計食下野既你，呢度係唔錯嘅選擇！😊