影片
更多
2018-04-23
801 浏览
以前喺寶琳返學，一直都冇留意過原來寶林商場3樓有咁多嘢食，最近呢度開咗一間茶樓，夜晚有任食火鍋，就約咗一個同樣住將軍澳嘅朋友試吓。店舖面積唔算大，但五臟俱全，飲品吧都有唔少選擇，可惜大部份都係較甜的飲品，想飲得清淡一啲，例如係烏龍茶，就只有一款選擇。同朋友揀咗個最多嘢食嘅套餐，每人$398，以任食火鍋來說，價錢一點也不便宜，勝在肉類選擇都幾多，可以每樣都嘗試一下。叫呢個套餐每人附送一疊花膠冬菇，冬菇煮得非常入味，花菇味香濃，不過篇花膠得個大字，明顯煮得唔夠，好難先咬得開，而且唔太入味，令人失望。幾款海鮮之中海蝦最好食，肉質爽口彈牙，而且好有鮮味，真係值得一讚，不過帆立貝就一般般啦，放入湯底滾一陣之後縮到好細粒，而且有啲韌...食咗一粒之後就唔想再食...餐廳提供左幾款牛肉，牛味不太突出，但係呢款脂肪分布均勻，望落似雪花牛肉的一口牛就較為出色。將一口牛放入湯底中滾到剛剛熟，軟硬程度就剛剛好五，脂肪在口中溶化，令香味大大提升，口感豐富，juicy～金錢展好一般...椰子雞湯附送好多舊雞件，煮完之後點沙薑，又幾好食喎，煮咗咁耐雞肉仍然未老。最重要嘅甜品呀，放題點可以無甜品，不過呢度選擇多，只
店舖面積唔算大，但五臟俱全，飲品吧
都有唔少選擇，可惜大部份都係較甜的飲品，想飲得清淡一啲，例如係烏龍茶，就只有一款選擇。
同朋友揀咗個最多嘢食嘅套餐，每人$398，以任食火鍋來說，價錢一點也不便宜，勝在肉類選擇都幾多，可以每樣都嘗試一下。
叫呢個套餐每人附送一疊花膠冬菇，冬菇煮得非常入味，花菇味香濃，不過篇花膠得個大字，明顯煮得唔夠，好難先咬得開，而且唔太入味，令人失望。
幾款海鮮之中海蝦最好食，肉質爽口彈牙，而且好有鮮味，真係值得一讚，不過帆立貝就一般般啦，放入湯底滾一陣之後縮到好細粒，而且有啲韌...食咗一粒之後就唔想再食...
餐廳提供左幾款牛肉，牛味不太突出，但係呢款脂肪分布均勻，望落似雪花牛肉的一口牛就較為出色。
將一口牛放入湯底中滾到剛剛熟，軟硬程度就剛剛好五，脂肪在口中溶化，令香味大大提升，口感豐富，juicy～
金錢展好一般...
椰子雞湯附送好多舊雞件，煮完之後點沙薑，又幾好食喎，煮咗咁耐雞肉仍然未老。
最重要嘅甜品呀，放題點可以無甜品，不過呢度選擇多，只有最基本嘅朱古力、雲呢拿、士多啤梨，仲係阿波羅...有啲驚喜都係食埋啲囉，有幾款其他味道選擇，如抹茶紅豆，不過其實質素都係好一般...
講到尾＄400食一餐咁嘅質素嘅放題，好唔好大家有目共睹...唯一好處係近住宅地區，好似我咁返屋企只須15分鐘，如果住喺附近又覺得＄400食一餐OK嘅，咪食下囉。
张贴
