夜。鐵板燒

結婚周年紀念同老公去尖沙咀山林道呢一間鐵板燒餐廳，叫咗一個夜鐵板燒 創意廚師料理 ，每位＄2388，雖然有啲貴，但一年一次又值得慶祝，一於食豪一餐！匈牙利鴨肝，鵝肝就食得多，鴨肝真係第一次食，佢比鴨肝更結實，食落去有口感好多，亦唔會更油膩，我更加鍾意食佢！宮崎 A4 和牛肉眼 關西風壽喜燒，兩片牛肉眼非常好味，略嫌太細塊，唔係好夠喉。另外有兩篇南瓜，食落去好清甜！避風塘阿拉斯加鱈場蟹，成條鱈場蟹肉夾上黎，非常幸福，入口淡淡鮮蟹味，成口都係蟹肉。雙龍出海（龍蝦/瀨尿蝦），呢一份係季節料理，餐廳喺每一個季節都有唔同嘅時令料理。今次就係龍蝦同賴尿蝦，兩種蝦都笑得非常靚，而且蝦肉充滿鮮蝦味！日本木魚湯冷浸梅素麵，嫩粉紅色嘅素麵非常吸引，佢係用梅粉造成嘅，食落去非常清新，同木魚凍湯非常夾。特上刺身盛，赤蝦刺身晶瑩剔透，蝦肉鮮甜。米芝蓮級 甘鯛立鱗燒，甘鯛細細件，整得非常好味，而且擺盤非常靚。日本象拔蚌，新鮮雜菜和菇菌，同爽脆嘅象拔蚌一齊炒，顏色鮮艷營養豐富。鐵板酸菜東星斑，一人份嘅酸菜東星班，東星班魚肉爽脆，配上酸酸辣辣的上湯，非常開胃。成隻龍蝦嘅龍蝦湯，龍蝦味十足野菜炒日本野菜盛合龍蝦湯日本水